BREAKING NYUZZZZZZ....Mpiganaji Alfred Ngotezi hatunaye tena

Hayati Alfred Ngotezi

Habari iliyotufikia hivi punde inaeleza kuwa Afisa Uhusiano Mwanzamizi wa Shirika la Taifa la Hifadhi ya Jamii (NSSF) na aliekuwa Mwandishi Mwandamizi wa Gazeti la Serikali la Kila siku (Daily News), Mpiganaji Alfred Ngotezi amefariki Dunia ghafla  usiku wa kuamkia leo  Jijini Arusha ambako alikuwepo kwa maandalizi ya Mkutano wa Mashirika ya Afrika ya Hifadhi za Jamii unayotarajia kuanza rasmi kesho kwenye ukumbi wa Mikutano wa Kimataifa jijini Arusha - AICC.

Kwa Mujibu wa Mtoa Taarifa hii,  Hayati Ngotezi kabla ya kuaga Dunia alikuwa katika meza ya chakula na baada ya muda kidogo akanyanyuka kwa nia ya kwenda kujisaidia na hapo ndipo alipoanguka ghafla na kupoteza maisha.

Globu ya Jamii inaungana na wadau wote walioguswa na msiba huu mzito wakiwemo Ndugu,Jamaa na Marafiki katika kipindi hiki kigumu cha maombolezo.

Mungu aiweke Roho ya Marehemu Mpiganaji 
Alfred Ngotezi mahala pema peponi

-Amin.