kiwinta cha ukweli Davos-Klosters, Uswisi

Gari la mbele la njano ni maalumu kwa kusomba theluji ambayo inadondoka masaa 24 katika mji wa Davos, Uswisi na wasipofanya hivyo barabara inakuwa haipitiki

 Davos ni mji mdogo wa milimani Alps kaskazini magharibi mwa Uswisi wenye wakaazi 13,000 ukiwa mita 1560 juu ya usawa wa bahari katika  (canton) mkoa wa Graubunden, kiasi cha masaa mawili hivi kwa gari toka jijini Zurich. Ulianza kama kiota cha vekesheni za kiafya na michezo ya thelujini, ila sasa Davos ni maarufu duniani kwa kuwa mwenyeji wa Kongamano la Uchumi  (BOFYA HAPA The Annual Meeting of the world Economy Forum), na mwaka huu kongamano hilo limeanza leo hadi January 29, 2012.

Wastani wa hali ya hewa kwa mwaka ni 2.8C (37.04F) na wakati wa kongamano la mwaka huu kiwinta kitakuwa -4C (24.8F) na 1C (33.8F) hivyo kwa akina sie tunaotoka pwani ya Afrika Mashariki ni balaa tupu.

Kwa majira Uswisi iko mbele kwa saa moja dhidi ya GMT/UTC, na Bongo ni GMT+3 hivyo iko saa moja mbele ya Uswisi.

Fedha yao hadi sasa ni faranga (Swiss Francs) ama CHF ama Sfr, ambapo Euro moja ni sawa na CHF 1.23715 ama Dola moja ya Kimarekani ni sawa na CHF 0.92400. 

Lugha wanayotumia Uswisi zaidi zaidi ni Kijerumani ambacho ndio lugha rasmi hapa Davos, ingawa kimombo, Kifaransa na Kitaliano huzungumzwa sana.

 Theluji kila mahali na kila wakati

 Sheli

 Babu anaenda shopping huku theluji ikimnyeshea

ankal anawasili Davos akivunga kufa kwamba kiwinta hakimsumbui. 

Hapo anatetemeka kama nini sijui...Ze Fulanazzzz kama kawa hahahaa!