"Mazimwi ya Nyakanga": Filamu Itakayotikisa Tasnia ya Filamu Nchini

Wadau wetu wengi wamekuwa na shauku kubwa ya kuiona ile filamu ya "Mazimwi ya Nyakanga" iliyo tayarishwa na kampuni ya Kinkwin creative solutions (hhtp://www.kinkwin.com). Tunawaomba radhi sana wadau kuwa matayarisho ya filamu hiii yamechukua muda mrefu ili tuweze kuwapa kitu kilicho kizuri na sasa tumeweza kutekeleza azma hiyo. Tunayo furaha kubwa kuwajulisha kuwa filmu yenyewe imekamilika na inatarajia kuwa madukani kuanzia mwishoni mwa mwezi wa sita.

Filamu ya Mazimwi ya Nyakanga inaelezea maisha ya jamii ya zamani na mahusiano ya binadamu na Mazimwi. Kama wengi walivyokuwa wanatarajia, filamu hii ni ya kipekee kwani imetengenezwa kwa utaalam mkubwa na imesheheni visa vya kila namna, hasa effects nyingi za kushangaza na vilevile za kufurahisha.

Jambo kubwa na la muhimu ambalo wadau watalipenda katika filamu hii ni kuwa, filamu yenyewe imezingatia sana maadili ya Kitanzania. Ni filamu ambayo wazazi na watoto wanaweza kuitazama kwa pamoja na haina mambo ya wakubwa ambayo yanaweza kumfedhehesha mzazi mbele ya mtoto. Pia tumejitahidi sana kupunguza makali ya effects ili watoto wasitishike sana. Kwa kusema ukweli, mambo mengi yamezingatiwa ndani ya filamu hii na tumejaribu sana kufuata ushauri wa wataalamu wengi wa ndani na nje ya nchi.

Kwa sasa Kampuni yetu ya Kinkwin imetanguliza sokoni filamu zao mbili, ziitwazo Bijampora na Filongo ambazo nazo ni za kuvutia sana. Pia filamu ya Mazimwi ya Nyakanga itafuatiwa na ile filamu nyingine bomba zaidi iitwayo Kisa Cha Binti Binadamu na Zimwi ambayo ipo jikoni kumaliziwa

Tunapenda kuwahakikishia wadau wetu kuwa filamu za Kampuni ya Kinkwin zina ubora wa kipekee. Kampuni yetu ni kubwa na ina wataalamu walio bobea katika kuandaa hadithi nzuri, kuandika scripts na kutengeneza filamu kufuatana na utaalamu unao kubalika. Pia tuna vifaa vya kisasa kabisa katika kutengeneza filamu zenye ubora na tunawashirikisha wasanii walio bobea katika tasnia ya filamu Tanzania na kuinua vipaji vipya.