WAFANYABIASHARA WA KITIMOTO IRINGA WAPINGA KUFUNGIWA BIASHARA

 Wafanyabiashara  wa kitimoto  mjini Iringa  wakionyesha  milango yao  iliyofungwa na mgambo  leo kama njia ya kupinga  uuzaji  wa nyama ya nguruwe (kitimoto)

 Hapa wakiamua  kuchimba barabara  kuzuia  magari kupita eneo hilo 

 Maandamano ya  kupinga  marufuku ya uuzaji  wa kitimoto leo 

 

Na Francis Godwin

Wafanyabiashara  wa  kitimoto katika  eneo la vibanda  vya UVCCM mjini  Iringa  leo wamewatimua mgambo  wa Manispaa ya Iringa ambao  wamefika eneo hilo kufunga biashara  zao kama  njia ya kunusuru wananchi na ugonjwa wa homa ya nguruwe.

Tukio hilo  limetokea leo  majira  ya  saa 12 jioni baada ya  ofisa mifungo  Manispaa ya Iringa  akiwa na mgambo kufika   eneo hilo  kufunga   biashara  zote za kitimoto eneo hilo.

Wakizungumzia hatua  hiyo  wafanyabiashara  hao  wamesema  kuwa wanashangazwa na uamuzi huo  wa  uongozi  wa afya Manispaa ya iringa  kuwazuia  wao kufanyabiashara  hiyo  wakati maeneo mbali mbali maarufu  nyama  hiyo ikiendelea  kuuzwa kama kawaida .

Hivyo  wameutaka  uongozi  wa Manispaa ya  Iringa  kusitisha mpango huo  kwani  unawatesa wananchi hao  wajasiriamali  wenye kipato cha chini ambao  wanategemea biashara  hiyo.

katika hatua nyingine  wafanyabishara  hao  na  wateja  wao  wamewatimua  mgambo hao na ofisa mifugo  huyo katika  eneo hilo kwa madai  muda  waliokuwa wakifanya kazi ni muda ambao si wa kazi na  kudai kuwa  wanatumiwa na  wafanyabiashara wakubwa .