MKUTANO MKUU WA UCHAGUZI WA Tanzania Volleyball Association - TAVA

1.Fomu za maombi ya wagombea

-Fomu za wagombea zitaanza kuuzwa  tarehe 2/5/2013  saa 2 asubuhi na mwisho w a fomu hizo kuuzwa itakuwa tarehe 15/5/2013 saa kumi jioni.

-Fomu hizi zitapatikana BMT, TAVA na kwa Makatibu wote wa vyama vya mikoa,

-Wagombea wa nafasi za Mwenyekiti ,Makamu wenyeviti, Katibu mkuu na Katibu mkuu msaidizi fomu zao  zitauzwa kwa shilingi laki moja na nusu (150,000)

-Wagombea wa nafasi 8  za wajumbe watanunua fomu kwa shilingi laki moja (100,000)

-Mgombea atalipia ada ya fomu ya nafasi anayoitaka EXIM BANK, TANZANIA VOLLEYBALL ASSOCIATION ACC. NO.0301381117.

-Mgombea atapewa Bank slip ambayo ataiwasilisha na kupewa fomu, atayoijaza na baadaye  kuiscan pamoja  na bank slip na kuituma TAVA- E mail tavatanzania@yahoo. Com kabla au tarehe 15/5/2013 saa kumi jioni

-Siku ya Usaili wa wagombea itakuwa tarehe 16/5/2013 kuanzia saa 4 asubuhi Katika hoteli ya Mkonge jijini Tanga.

-Tarehe 17/5/2013 Kuanzia saa 2 asubuhi mpaka saa 12 jioni  wagombea wataendelea na kampeni zao.

  

2.Sifa za wagombea

-Maombi ya mgombea yapitishwe na chama cha  mpira wavu cha mkoa  kilicho mwanachama wa TAVA

-Mgombea awe anaweza kuandika na kuongea kingereza na Kiswahili

-Mgombea wa mara ya kwanza asiwe chini ya umri wa miaka 30 na zaidi ya umri wa miaka 60

-Awe na elimu angalau ya  kidato cha nne.

-Awe ni mtu maarufu katika familia ya mpira wa wavu

-Awe na uwezo wa kutekeleza majukumu na shuguli za TAVA

-Kwa nafasi ya Mwenyekiti, Makamu wenyeviti ,Katibu mkuu na katibu mkuu msaidizi mgombea awe amewahi kuwa mjumbe wa bodi ya TAVA angalau kwa kipindi kimoja.

-Mgombea awe na muda wa kutosha kutekeleza majukumu ya TAVA , angalau siku 30 kwa mwaka katika nyakati tofauti.

Mgombea asiwe amewahi kusimamishwa au kufukuzwa na TAVA, Chama cha mkoa , chama chochote kingine cha michezo au shirikisho lolote la mchezo la kimataifa.

3.Mkutano mkuu wa uchaguzi.

 -Tarehe 17/5/2013 saa 12 jioni Wajumbe wa mkutano mkuu kuwasili jijini Tanga

-Tarehe 18/5/2013 saa 3 asubuhi mkutano kufunguliwa rasimi.

-Tarehe 19/5/2013 Wajumbe kuondoka kuelekea makwao.

4. Gharama za mkutano

-TAVA Itagharimia chakula cha mchana kwa wajumbe wote  tarehe 18/5/2013 siku ya mkutano.

 Chama  cha  mkoa kiwalipie wajumbe  wake  malazi, na nauli zao za kwenda na kurudi.

.

Taarifa hii imetolewa na Mwenyekiti wa TAVA.

Augustino Israel AGAPA