NEWS ALERT: MADUKA YATEKETEA KWA MOTO SOKO KUU LA KITETO MKOANI MANYARA

Na Mohamed Hamad, Manyara

ZAIDI ya maduka kumi ya wafanya biashara wa soko kuu la kiteto Mkoani

Manyara yameteketea  kwa moto ulioibuka usiku wa kuamkia leo Aug 23 mwaka huu na kusababisha hasara ambayo thamani halisi haijafahamika kwa haraka

Inasemekana kuwa moto huo ulianza saa nane ambapo chanzo chake kinadaiwa kuwa ni hitilafu ya umeme katika moja ya maduka hayo ambayo yameteketea ibaya baada ya watu waliofika kushindwa kuudhibiti moto huo 

Kwa mujibu wa Ofisa mtendaji wa kijiji cha Kibaya Fatuma Ngao amedai

kuwa miongoni mwa vitu vilivyoteketea ni pamoja na maduka hayo kumi

nyaraka mbalimbali za Serikali, ofisi ya kijiji pamoja na baraza la

ardhi la kata.

Alisema kuwa nyaraka hizo ni pamoja na vitabu mbalimbali ambazo

zilitumika kama kumbukumbu za Serikali, viti na meza ambazo zilitumika

katika kuihudumia jamii ya Kibaya na vitongoji vyake.

Ngao alisema alipata taarifa hizo kupitia matangazo yaliyotolewa

kwenye moja ya msikiti mkuu mjini hapo ya kuwaomba wananchi hao ili

waweze kufika kuokoa mali zilizokuwa zinateketea katika soko hilo.