NEWS ALERT: Treni ya abiria ya leo yaahirishwa hadi kesho

 Uongozi wa Kampuni ya Reli Tanzania – TRL unawatangazia abiria wote na wananchi kwa jumla  kuwa kutokana na sababu za kiufundi unasikitika kuwa treni ya abiria iliyopangwa kuondoka leo Alhamisi   Januari 09, 2014 saa 3 usiku kwenda bara  imeahirishwa  hadi kesho siku ya  Ijumaa   Januari 10, 2014, saa 10 jioni.

Taarifa imefafanua kuwa dharura hiyo imetokana na eneo la reli kati ya  stesheni za Godegode na Gulwe  mkoani Dodoma kukumbwa na mafuriko usiku wa kuamkia leo.

Wahandisi na Mafundi wa TRL wako katika eneo la tukio tokea jana  usiku na taarifa za uhakika zinaeleza kuwa  zoezi la kukarabati litakamilika saa 10 leo jioni ( Alhamis Januari 09, 2014).

Aidha taarifa  hii iwafikie wadau wote wa usafiri na huduma ya reli ya kati na kwamba uongozi wa TRL unaomba radhi kwa usumbufu wowote utakaojitokeza..

Imetolewa na Ofisi ya Uhusiano kwa niaba ya Kaimu Mkurugenzi Mtendaji Mhandisi Paschal Mafikiri.

TRL Makao Makuu,

Dar es Salaam.

Januari 09, 2014