WAZIRI NAPE AWATAKA VIJANA NCHINI KUENDELEZA UTAMADUNI WA KUFANYA MAZOEZI ILI KUJENGA AFYA.

Mh, Waziri wa Habari,Utamaduni, Sanaa na Michezo Ndg, Nape Moses Nnauye mapema Leo Asubuhi alifanya mazoezi ya pamoja na Vijana wa Lindi Fitness Club kabla ya kwenda kwenye Ziara za kuzungumza na Halmashauri kuu za kata za Jimbo la Mtama, na kupiga nao picha.

 Alitumia nafasi hiyo kuwataka Vijana kote nchini kuendeleza utamaduni wa kufanya mazoezi ili kujenga Afya ya mwili na Akili kwa lengo la  kuepukana na magonjwa yanayosababishwa na  kutokufanya mazoezi kama vile kisukari, magonjwa ya moyo, kiharusi n.k lakini pia alisema ni kuunga mkono kauli iliyotolewa na Serikali kupitia Mh, makamu wa Rais mama Samia Suluhu kuwa kila jumamosi ya pili ya mwezi iwe ni siku ya kufanya mazoezi.

Hivyo ametoa wito kwa Vijana hususani wa jimbo la Mtama na Mkoa wa Lindi kwa ujumla wawe wa kwanza kujitokeza kila kata naye yupo tayari kuhamasisha na kusaidia upatikanaji vifaa vya michezo kupitia wadau mbalimbali wa michezo.

SABUNI H. M
Katibu wa UVCCM
Wilaya ya Lindi Vijijini.

Waziri wa Habari,Utamaduni, Sanaa na Michezo ambaye pia ni Mbunge wa Jimbo la Mtama,Ndg, Nape Moses Nnauye mapema leo asubuhi alifanya mazoezi ya pamoja na Vijana wa Lindi Fitness Club kabla ya kwenda kwenye ziara yaa kuzungumza na Halmashauri kuu za kata za Jimbo la Mtama, na kupiga nao picha ya pamoja kama inavyoonekana pichani juu.

Mh.Nape na akiwa sambamba na Vijana wa Lindi Fitness  Club wakisikiliza maelekezo ya namna ya kufanya mazoezi katika suala zima la kujenga afya