DC MJEMA AIHIMIZA WAANDISHI WA HABARI KUZINGATIA WELEDI

Na Chalila Kibuda,Blogu ya jamii

MKUU wa Wilaya ya Ilala jijini Dar es Salaam Sophia Mjema amewapongeza kazi kubwa inayofanywa na waandishi wa habari katika kuuhabarisha umma wa Watanzania ila amehimiza pia waandishi wa habari kutekeleza majukumu yao kwa kuzingatia weledi, kanuni na taratibu.

Mjema ametoa kauli hiyo jana Dar es Salaam wakati wa Maadhimisho ya Siku ya Uhuru wa Vyombo vya habari ambapo ametumia nafasi hiyo kuelezea umuhimu wa vyombo hivyo katika maendeleo ya nchi yetu.

Maadhimisho hayo yamefanywa na Jukwaa la Waandishi wa habari Mkoa wa Dar es Salaam kwa kukutana na kujadili masuala ya mbalimbali yanayoikumba tasnia ya habari.Kwa kukumbusha tu maadhmisho hayo duniani huadhimishwa kila ifikapo Mei 2 na 3 ya kila mwaka.

Mjema amehimiza pia waandishi wa habari kutekeleza majukumu yao kwa kuzingatia weledi, kanuni na taratibu.

Mwenyekiti wa Jukwaa la Waandishi wa habari Jane Mihanji amesema wanahabari wanaomba kulindwa ili watekeleze majukumu yao kwa uhuru zaidi.

Aidha changamoto ambazo zimeelezwa ikiwemo ya kukosa uhuru wa kufanya kazi ni vema nayo ikapatiwa ufumbuzi .