MKURUGENZI MTENDAJI TIC AELEZA SABABU ZA WAO KUSHIRIKI MAONESHO YA WAKULIMA YA NANENANE MKOANI SIMIYU

KITUO cha Uwekezaji Tanzania(TIC) ni mojawapo ya taasisi za Serikali zinazoshiriki kwenye Maonesho ya 25 ya Nanenane ambayo yameanza kufanyika nchini kuanzia Agosti 1 mwaka huu na yanatarajiwa kumalizika Agosti 11 huku TIC ikitumia nafasi hiyo kuelezea majukumu yake.

Kauli mbiu ya Maonesho hayo ni wekeza katika kilimo, mifugo na uvuvi kwa maendeleo ya viwanda.Ili kuhakikisha taarifa na huduma kwa wawekezaji zinawafikia wadau wao kwa wigo mpana Mkurugenzi Mtendaji wa TIC Geoffrey Mwambe amefanikisha kituo kushiriki kwenye maonesho katika mikoa mbalimbali nchini kupitia ofisi zao za Kanda.

Akizungumzia maoesho hayo Mwambe amesema lengo la kushiriki ni kutoa elimu kwa umma kuhusu taasisi yao, kazi wanazozifanya, huduma wanazozitoa kwa wawekezaji na taratibu zinazohitajika ili wadau (wazawa na wageni au ubia) waweze kujisajili na Kituo.

Hivyo Mwambe, anafafanua kuwa TIC inapatikana kwenye viwanja vya maonesho ya Nanenane nchini ambapo amesema wanashiriki katika Mkoa wa Simiyu(viwanja wa Nyakibindi) na Mbeya(viwanja vya Nanenane).

Pia mkoani Arusha(viwanja vya Njiro), Lindi (Ngongo),Tabora(Ipuli), Morogoro (Nanenane) na Dodoma(Nzuguni). Hivyo Mwambe ametoa mwito kwa umma na wadau kutoka mikoa ambapo maonesho yanafanyika na kutoka Mikoa jirani kutembelea mabanda ya TIC yanayopatikana katika maonesho hayo.

"Lengo ni kuwawezesha kupata taarifa na huduma za uwekezaji nchini ikiwa ni pamoja na namna ambavyo wawekezaji wazawa na wageni wanavyonufaika na huduma za Kituo."Kwa ujumla TIC inatumia maonesho ya Nanenane ili kuutarifu umma kuwa TIC inatoa huduma kwa wawekezaji wazawa na wageni kupitia ofisi zetu za Kanda ambazo zinapatikana katika Mikoa ya Mwanza, Moshi, Mtwara, Kigoma, Dodoma, Mbeya na Dar es Salaam,"amesema.Kusoma zaidi BOFYA HAPA>>>

 Afisa Habari wa TIC,Latiffa kigoda  akitoa maelekezo kwa wadau waliotembelea banda la TIC  Kanda ya Ziwa

 Bw. Venance Mashiba wa Kanda ya Mashariki akitoa maelekezo kwa washiriki wa nane nane yanayofanyika Mkoani Morogoro

 Afisa Uhamasishaji Uwekezaji , Bw. Sindano Ajelandro akitoa maelezo kwa mgeni aliyetembelea banda la TIC  88 Mkoani Mbeya

 Bw. Fanuel Lukwaro Meneja wa TIC Kanda ya Ziwa akisikiliza kwa makini hoja za mdau alipotembelea banda la TIC 88 Mkoani Simiyu

Bw.Doto Stanley Meneja Kanda ya Kusini akishiriki 88 Mkoani Lindi