CLIFFORD NDIMBO ATEULIWA NA CAF

Na Zainab Nyamka, Globu ya Jamii

Shirikisho la  Mpira wa Miguu Afrika (CAF) limemteua ofisa Habari wa Shirikisho la Soka Tanzania, (TFF) Cliford Ndimbo kuwa Ofisa wa habari wa CAF.

Ndimbo  ameteuliwa CAF kuwa OfisA Habari wa CAF katika mchezo wa Klabu Bingwa Afrika utakaopigwa Afrika Kusini.

Ndimbo atakuwa Ofisa  kwenye mchezo namba 99 kati ya Mamelodi Sundowns ya Afrika Kusini na Asec Mimosas ya Ivory Coast.

Mchezo huo utachezwa Ijumaa, Februari 1, nchini Afrika Kusini Uwanja wa Tshwane-Loftus Versfeld ni wa Ligi ya Mabingwa Afrika.

Ndimbo anaungana na vigogo wengine kutoka katika Shirikisho la mpira wa miguu Nchini (TFF) kupata nafasi ya kusimamia michezo kadhaa ya Kimataifa.