WAJASILIAMALI WATAKIWA KUONGEZA THAMANI YA BIDHAA ZAO

Na Woinde Shizza Globu ya jamii ,Arusha.

Wanawake wajasiliamali nchini wametakiwa kuongeza thamani bidhaa

wanazozizalisha pamoja na kuboresha vifungashio ,ili  kuhimili

ushindani wa soko la ndani na nje ya nchi

Hayo yameelezwa na Meneja wa Sido Mkoani Arusha Linah Nchimbi katika

semina maalumu ya wanawake wajasiriamali iliyofanyika jijini Arusha na

kuandaliwa na kituo cha redio cha Arusha one FM kupitia mpango wao wa

Jipange Mwanamke 2019.

Meneja Huyo amesema kuwa bidhaa za wajasiliamali zinaweza kupata soko

kubwa iwapo zitaongezwa thamani na kufungashwa vizuri .

Meneja Miradi wa Radio Arusha One FM,Fredrick John Amesema kuwa

mpango huo unalenga kuwasaidia wajasiriamali wadogo ambao wamekua

wakijikwamua kwa kuwapa elimu ya masoko na jinsi ya kupanga bajeti.

Mratibu wa Mafunzo hayo ya Jipange Mwanamke 2019 ,Jamilah Mohammed

amesema kuwa wanatarajia kuwafikia wanawake wengi na kuwapa ujuzi wa kibiashara utakaoongeza thamani kwenye biashara zao.

Rukia Wiliam ambaye ni mjasiliamali anayejishulisha na uuzaji wa

vitafunwa aina ya vitumbua amesema kupitia biashara yake ndogo ameweza

kujenga nyumba nzuri ya kuisha na kwa sasa ana mpango wa kuanzisha

biashara nyingine hivyo maarifa hayo yatamuwezesha kukua kibiashara.

Mfanyabiashara anayeuza dagaa Advesta Christopher amesema kuwa

amehudhuria Mafunzo hayo ili kujua namna ya kuweka bajeti kuanzia

kwenye familia hadi kwenye biashara ili kukua kiuchumi .

Wajasiliamali wakiendelea na biashra ya bidhaa zao