Ruge ametimiza yake katika uibuaji wa mawazo-Dkt. Tulia

Na Chalila Kibuda,Globu ya Jamii.

Naibu Spika Dkt. Tulia Ackson amesema aliyekuwa Mkurugenzi wa Uzalishaji wa Vipindi Ruge Mutahaba aliyefariki Jana usiku nchini Afrika Kusini ametimiza yake katika uibuaji wa mawazo na kuwa na Matokeo chanya.

Dkt Tulia ameyasema hayo wakati alipokwenda kutoa pole nyumbani kwa marehemu Ruge mikocheni jijini Dar es Salaam.Amesema kuwa ni pigo kuondekewa na Ruge kwa familia pamoja na Taifa katika kutoa mchango wake kwa mawazo.

Aidha amesema kuwa wakati wa uhai wake Ruge akianzisha jambo alikuwa haileweki lakini kadri ya muda kwenda watu wanaanza kujua kuhusiana na kitu alichokianzisha."Kazi ya Mungu haina makosa ila Ruge tutaendelea kumkumbuka daima na Milele kwa mchango wake kwa vijana nchini".Amesema Dkt.Tulia Amesema kuwa msiba wa Ruge sio wa Tanzania bali Dunia nzima kutokana na yeye kufahamika kwa kazi anayoifanya.

Naibu Spika Dkt. Tulia Ackson akizungumza na baadhi ya vyombo vya habari mapema leo nyumbani kwa marehemu Ruge Mutahaba,Mikocheni jijini Dar.