KIKWETE AONGOZA MAELFU KUAGA MWILI WA KIBONDE

Na Humphrey Shao, Globu ya Jamii

Rais Mstafu wa Awamu ya Nne Dkt  Jakaya Mrisho Kikwete na Mkewe Mama Salma Kikwete(MB) Wameongoza Maelfu ya Watanzania katika kuaga Mwili wa aliyekuwa Mtangazaji wa kituo cha Clouds Fm Marehemu Ephraim Kibonde nyumbani kwa Baba yake Mbezi Beach Jijini Dar es Salaam.

Katika ibada hiyo ya kutoa aheshima za mwisho viongozi wengine wa kiserikali waliohudhuria ni pamoja na Waziri wa Habari Sanaa Utamaduni na Michezo , Dr Harrison Mwakyemb, Waziri wa Madini Doto Biteko,Waziri wa Nyumba na Maendeleo ya Makazi, William Lukuvi ,Mkuu wa mkoa wa Dar es Salaam , Paul Makonda , Mkuu wa Wilaya ya Kinondoni Daniel Chongolo.

Viongozi wengine waliofika katika Msiba huo ni pamoja na Mbunge wa Vunjo na Mwenyekiti wa NCCR Mageuzi, James Mbatia na Waziri wa nchi Ofisi ya Waziri Mkuu Suleiman Jaffo, Mbunge wa Mtama, Nape Nnauye.

Aidha waandishi wa habari kutoka vyombo mbalimbali nchini kwa umoja wao walifika katika msiba huo na kutoa faraja kwa wafiwa ambapo safari ya kuelekea Makaburi ya kinondoni kumpumzisha mpendwa wetu Ephrahim Kibonde.

Rais Mstaafu Dkt. Jakaya Mrisho Kikwete akitia saini kitabu cha maombolezo ya kifo cha Mtangazaji wa Clouds FM, Ephraim Kibonde wakati alipokwenda nyumbani kwao marehemu, Mbezi Beach jijini Dar es salaam kutoa pole kwa familia, leo Machi 9, 2019.

Mke wa Rais Mstaafu Mama Salma Kikwete(MB) akisaini kitabu cha Maombolezo wa Ephrahim Kibonde nyumbani kwa Baba yake Mbezi Beacha Jijini Dar es Salaam.

Rais Mstaafu Dkt. Jakaya Mrisho Kikwete akiwasili nyumbani kwa alieyekuwa mtangazaji wa Clouds FM, Merehemu Ephraim Kibonde leo Mbezi Beach jijini Dar es salaam kutoa pole kwa familia, Machi 9, 2019. Wa kwanza kulia ni Waziri wa Habari, Utamaduni, Sanaa na Michezo, Dk. Harrison Mwakyembe na kushoto ni Mkurugenzi wa Clouds Media, Joseph Kusaga

Mkuu wa Mkoa wa Dar es Salaam, Paul Makonda akitoa pole kwa Mkurugenzi wa Clouds Media, Joseph Kusaga alipowasili nyumbani kwa alieyekuwa mtangazaji wa Clouds FM, Merehemu Ephraim Kibonde leo Mbezi Beach jijini Dar es salaam kutoa pole kwa familia, Machi 9, 2019. Kushoto ni Waziri wa Habari, Utamaduni, Sanaa na Michezo, Dk. Harrison Mwakyembe.

 Rais Mstaafu Dkt. Jakaya Mrisho Kikwete akizungumza na  Samson Job Kibonde(kushoto) ambaye ni baba mzazi wa aliyekuwa Mtangazaji wa Clouds FM, Marehemu Ephraim Kibonde wakati alipokwenda nyumbani kwao marehemu, Mbezi Beach jijini Dar es salaam kutoa pole kwa familia, Machi 9, 2019. Kulia ni Mkurugenzi wa Clouds Media, Joseph Kusaga

Rais Mstafu wa Awamu ya tatu Dr. Jakaya Mrisho Kikwete na Mkewe Mama Salma Kikwete(MB), Wakizungumza na Mkurugenzi wa Clouds Media Group, Joseph Kusaga mara baada ya kusaini kitabu cha Maombolezo.

Msemaji wa klabu ya Simba Haji Manara akitoa pole kwa Dada wa Marehemu Sara Kibonde wakati wa zoezi la kuaga mwili wa Marehemu Mbezi Beach jijini Dar es Salaam. 

Mkuu wa Mkoa wa Dar es Salaam, Paul Makonda akiteta jmabo na Waziri wa Ardhi Nyumba na Maendeleo ya Makzi mara baada yakuaga Mwili wa Marehemu Ephrahim Kibonde. 

Mkuu wa Wilaya ya Kinondomni Daniel Chongolo akibadilishana mawazo na Wadau wa habari waliofika katika Msiba wa Ephrahim Kibonde

Mmoja wa Waombolezaji wakifika Msibani huku wakiwa wanasaidiwa na wanandugu wengine