Akatwa Sehemu Za Siri Na Mpenzi Wake Kwa Kutompa Fedha Ya Sikukuu

Na, Editha Edward-Tabora

Mtu mmoja anayefahamika kwa jina la Bilali Khamis (61) mkazi wa Mtaa wa Ushirika Wilaya ya Nzega Mkoani Tabora amekatwa sehemu zake za siri na Mpenzi wake Veronica Ngayawula baada ya Kutompa fedha ya sikukuu ya Pasaka hali iliyopelekea kufanyiwa ukatili huo wa kijinsia

Tukio hili la kikatili limetokea majira ya saa saba usiku wa kuamkia tarehe 22 mwaka huu nyumbani kwa Bilali Khamis 

Juma Maswezi ambaye ni ndugu wa Bilali ameiambia Michuzi Blog kuwa kitendo alichofanyiwa ndugu yake siyo kitu kizuri kwani ni uzalilishaji ulio kinyume na haki za binadamu

George Mgalega ni Mganga Mkuu mfawidhi Hospitali ya Wilaya amesema kuwa amekili kumpokea mgonjwa huyo

"Baada ya kumfanyia uchunguzi tumegundua kwamba ametendewa kitendo hicho kwa kutumia kitu ncha kali kwa hiyo afya yake itachukua muda mrefu sana kuimalika maana  kidonda hiki kimekaa wazi kwa muda mrefu"amesema Mgalega 

Hata hivyo kwa matibabu    na uchunguzi zaidi mzee Bilali amepelekwa katika Hospitali ya Rufaa ya Nkiga Igunga huku Mpenzi wake Veronica  Ngayawula akiwa ametokomea kusiko julikana.