KAYA 200 ZENYE MAISHA DUNI HUKO KATA YA VIGWAZA ZAPATIWA MSAADA WA BAADHI YA VYAKULA-MEESAM

NA MWAMVUA MWINYI, BAGAMOYO

SHIRIKA linalosaidia watu wenye maisha duni na kuleta mabadiliko chanya katika jamii (WHO IS HUSSAIN?), tawi la Dar es salaam kwa kushirikiana na diwani wa kata ya Vigwaza Mohsin Bharwani ,limetoa msaada wa vyakula kwa kaya 200 zilizopo kwenye kata hiyo,uliogharimu sh.milioni kumi. 

Kila kaya kati ya hizo imepatiwa box lenye vitu vilivyogharimu sh. 50,000 ,ikiwemo mchele kilo 3, maharage kilo tatu, sukari kilo 3, majani ya chai, tende na tambi ili kuwasaidia katika mwezi mtukufu wa Ramadan.  

Akikabidhi msaada huo, mratibu msaidizi wa shirika la Who is Hussain?, tawi la Dar es salaam Meesam Bandali alisema,walengwa ni watu wasio na uwezo wakiwemo wenye ulemavu,wazee katika kaya 200 kata ya Vigwaza. 

Awali diwani wa kata ya Vigwaza, Mohsin Bharwani, alilishukuru shirika hilo kwa ujali na kujitoa kwao . 

"Sisi wanasiasa tunajua hali za wananchi waliopo katika maeneo yetu ambao wana hali duni kimaisha, ikitokea wafadhili kama hawa tunashukuru, nami waliponifuata niliona ni vyema kushirikiana kusaidia baadhi ya kaya ambazo zinaishi kwenye maisha duni"alisema Bharwani. 

Naye msemaji mkuu wa who is Hussain? Iffet Thawer 

alibainisha, mjukuu wa mtume Mohammad S.W.A. ambae ni Hussain alijitolea muhanga na aliuawa na familia yake kutokana na kusimama kidete dhidi ya mfalme aliyekuwa mdharimu. 

Iffet alisema ,Hussain alipinga dhuluma hivyo kuwa chanzo cha wao kuhamasika kufanya shughuli za kusaidia jamii ambapo lilianza miaka kumi iliyopita huko London.

Baadhi ya wakazi waliopata msaada huo,  akiwemo Said Imani, Maimuna Iddi  walielezea, vitu hivyo vinaweza kuwafikisha kimatumizi wiki mbili jambo ambalo litakuwa limezisogeza familia hizo kutokana na hali zao.