Mgodi wa Namungo Ruangwa waifurahisha Tume ya Madini

Mwenyekiti wa Tume ya Madini Prof. Idris Kikula wa kwanza kushoto

na Kamishna wa Tume ya Madini Prof. Abdulkarim Mruma wa pili

kushoto, wakiwa kwenye mazungumzo na Mkuu wa Wilaya (DC) ya

Nachingwea Rukia Muwango wa kwanza kulia na kulia kwake ni

katibu tawala mkoa wa Lindi na Afisa madini mkazi mkoa wa Lindi

kushoto kwa RC.

Fundi Sanifu Mwandamizi Paulo Shauri wa kampuni ya Lindi Jumbo

katikati akionyesha na kutoa maelezo kwa Mwenyekiti wa Tume ya

Madini Prof. Kikula kulia kwake na Kamishna wa Tume ya Madini

Prof. Abdulkarim Mruma kushoto kwake kuhusu muundo na

muonekano wake pindi utakapo anza kufanya kazi hapo mwakani

mwezi August 2020.

Na Issa Mtuwa (Wizara ya Madini) Rwangwa.

Mwenyekiti wa Tume ya Madini Prof. Idris Kikula na Kamishna wa Tume

hiyo Prof. Abdulkarim Mruma wamefurahishwa na mgodi wa Namungo kwa

namna unavyofanya kazi zake kwa utaratibu na mpangilio kiasi cha

kutamka kuwa wanatamani migodi mbalimbali iende ikajifunze mgodini

hapo.

Hatua hiyo inafuatia ziara waliyoifanya mgodi hapo kujionea uendeshaji wa

shuguli za mgodi huo sambamba na kukagua na kusikiliza kero kutoka kwa

wachimbaji wadogo, wakubwa na kati.

Wakiwa mgodini hapo wameupongeza mgodi huo kwa namna

wanavyowashirikisha wachimbaji wadogo na kuwapa umiliki wa 83% ya

mapato yanayotokana na uzalishaji huku mgodi ukibakiwa na 17% ya

kinacho zalishwa kitu ambacho hawajakikuta kwenye mgodi wowote hapa

nchini.

Kutokana ushirikishaji wa wachimbaji wadogo, mgodi huo umekuwa ni

wautofauti na migodi mingine kwani hakuna malalamiko hata kidogo kutoka

kwa wachimbaji wadogo tofauti na maeneo mengine nchini ambapo

kumekuwa na mivutano kati ya wachimbaji wadogo na wachimbaji wa kati

na wakubwa.

“Niseme ukweli nimefika hapa nikiwa nimechoka na safari ndefu, lakini

mara baada ya kupokea taarifa hii na kuwaona wahusika na hawajabisha

kuhusu taarifa hii, kwa kweli nimepata nguvu sana, nyie ni mfano wa

kuigwa, hiki mnachokifanya hakifanywi maeneo mengine sisi tunazunguka

nchi nzima lakini nyie mnafanya kitu cha kipekee” amesema Prof. Kikula.

Aidha, wameupongeza mgodi kwa ulipaji wa maduhuli ya serikali kama

inavyotakiwa huku akiwapongeza kwa utekelezaji wa shuguli za

maendeleo ya jamii (Corporate Social Responsibility- CSR).

Akiwasilisha taarifa yake kwa mwenyekiti wa tume ya madini, Meneja wa

mgodi wa Namungo Alfred Kimbi amesema kwa kipindi cha January –

December 2018 mgodi huo ulizalisha gramu 54,920.30 yenye thamani ya

Tshs. bilioni 4.302 na kuwawezesha kulipa mrabaha wa jumla ya Tshs.

milioni 412,607,105, huduma za jamii (service levy) Tshs. milioni

19,290,596 mamlaka ya mapato (TRA) Tshs. milioni 156,577,270. Kwa

mwaka 2019 kuanzia Januari hadi Mei mgodi umezalisha dhahabu gramu

16,671.5 yenye thamani ya jumla ya Tshs. bilioni 1.423 nakufanikiwa kulipa

mrabaha na ada ya ukaguzi kiasi cha Tshs. milioni 99,599, 450.61, mgodi

pia umelipa kwa TRA kiasi cha Tshs. milioni 51,142,000 katika kipindi

hicho.

Kimbi ameongeza kuwa pamoja na ulipaji wa tozo hizo, kwa mwaka huu

2019 mgodi pia umelipa kodi nyingine kama vile kodi ya Mazingira milioni

5,000,000 Osha milioni 3,800,000 na ushuru wa Halmashauri milioni

21,880,990.

Kuhusu utekelezaji wa shuguli za maendeleo ya jamii, mgodi wa Namungo

umetekeleza mirandi mbalimbali ya Elimu kwa baadhi ya shule ikiwa ni

pamoja na kulipa walimu na wafanyakazi wengine, ujenzi wa madarasa ,

umefadhili ujenzi wa kisima cha maji katika kijiji cha Chingubwa chenye

thamani ya Tshs. Milioni 13,000,000. Kwa upande wa afya mgodi

unaendelea kutekeleza mradi wa ujenzi wa Zahanati katika kijiji cha

Chingumbwa mradi ambao utagharimu Tshs. 90,594,800. Kuhusu michezo mgodi umeshiriki kikamilifu kiasi cha kuiwezesha timu iliyopewa jina la

mgodi huo “Namungo Football Club” kupanda daraja kufikia Ligi kuu kwa

msimu ujao 2019/20.

Ziara hiyo iliyoanza tarehe 8/6/2019 katika mikoa ya Lindi na Mtwara leo

10/6/2019 iliendelea katika wilaya ya Nachingwea kwa Mwenyekiti na

Kamishna kuzungumza na wafanyakazi wa tume hiyo mkoa wa Lindi

kwenye ofisi za tume hiyo zilizopo Wilayani Nachingwea na baadae

kufanya mazungumzo na Mkuu wa Wilaya hiyo Rukia Muwango kisha

kuelekea wilaya ya Rwangwa ambapo walitembelea Soko la Madini, eneo

la kampuni ya Ngwena Tanzania Ltd “Ngwena” inayojishugulisha na

shuguli za utafiti wa madini ya Graphite na baadae kwenye kampuni ya

Lindi Jumbo pia inayojishugulisha na uchimbaji wa madini ya Graphite yote

ikiwa wilaya ya Rwangwa.