SHUKURANI

Sisi, familia ya marehemu Prof. Robert B.M. Mabele, tunatoa shukurani za dhati kwa wote walioshiriki nasi tangu kumuuguza, kutwaliwa, maombolezo, na hatimaye kumpumzisha mpendwa wetu Prof. Robert B. Mabelle, “Kaka Bob” au “Uncle Bob” kama alivyojulikana na watu wake wa karibu, katika nyumba yake ya milele, makaburi ya Kinondoni Dar es Salaam.  

Tunathamini ushiriki wenu wa hali na mali katika kufanikisha kumpumzisha mpendwa wetu kwa heshima zote alizostahili.

Tunatoa shukurani maalum kwa wafanyakazi hospitali ya serikali Iringa, hospitali aliyokuwa akitibiwa huko India, na hospitali za TMJ na Muhimbili (Mloganzila), Dar es Salaam kwa juhudi walizozifanya kujaribu kuokoa Maisha ya mpendwa wetu. Pia tunawashukuru jamii ya vyuo vikuu vya Ruaha (RUCU) na Dar es Salaam (UDSM) kwa ujumla wao, Uongozi wa kanisa la Chuo Kikuu cha Dar es Salaam, marafiki na wote waliosoma na kufanya kazi na mpendwa wetu katika maeneo mbali mbali, pia ndugu, marafiki na majirani wa ukoo wa Mabele katika ujumla wao kwa kujitoa kwenu kwa moyo katika kufanikisha yote kwa ajili ya safari ya mwisho ya mpendwa wetu, MUNGU awabariki sana.

Hatuwezi tumshukuru mtu mmoja mmoja, lakini kwa heshima kubwa tunawaomba wote mtambue shukurani hii kwenu.

Tutafarijika sana kwa uwepo wenu katika MISA YA SHUKURANI itakayofanyika katika Kanisa Katoliki la Mt. Anna, Hananasif Kinondoni, siku ya Jumamosi, Juni 15, 2019 saa nne kamili asubuhi na kufuatiwa na chakula cha mchana nyumbani kwa Bw. na Bibi Charles Yanga, Tabata Chang’ombe, Dar es Salaam.

"BWANA akubariki, na kukulinda; BWANA akuangazie nuru za uso wake, na kukufadhili; BWANA akuinulie uso wake, na kukupa amani.”

 Hesabu 6:24-26

"Ina thamani machoni pa Bwana Mauti ya wacha Mungu wake." 

Zaburi 116:15

 FAMILIA YA MABELE