Mgombea wa nafasi ya Mwenyekiti wa
CHADEMA, Freeman Mbowe amechaguliwa tena katika nafasi hiyo baada ya
kupata kura 886 sawa na 93.5% dhidi ya mpinzani wake Cecil Mwambe
aliyepata kura 59 sawa na 6.2%.
Wagombea wa nafasi ya Makamu
Mwenyekiti wa Chama Taifa (Bara) walikuwa wagombea wawili,Tundu Lissu na
Sophia Mwakagenda, Lissu amepata kura 930 sawa na 98.8% huku Mwakagenda
(aliyetangaza kujitoa akiwa ukumbini) akipata kura 11 sawa na 1.2%.
Nafasi ya Makamu Mwenyekiti wa
Chadema Taifa Zanzibar ambayo ilikuwa na mgombea mmoja, Said Issa
Mohamedi, ameshinda kwa kura za ndio 839 sawa na asilimia 88.7,kura za
hapana zilikuwa ni 95 sawa na asilimia 10 na zilizoharibika 12 sawa na
asilimia 1.3.
Uchaguzi huo umefanyika katika
ukumbi wa Mlimani City na kuhudhuliwa na wanachama na wajumbe wa chama
hicho kwaajili ya uchaguzi.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...