KAMPUNI YA LIQUID TELECOM YAJA NA MAJIBU YA WATU KUENDELEA NA SHUGHULI ZA UZALISHAJI LICHA YA KUWEPO KWA VIRUSI VYA CORONA KATIKA BARA LA AFRIKA

Na Mwandishi Wetu, Michuzi TV

MKURUGENZI Mtendaji wa Kampuni ya Liquid Telecom Nic Rudnick amesema kwamba katika kipindi hiki ambacho Dunia inakabiliwa na virusi vya COVID-19 ( Coronavirus) na kusabababisha shughuli nyingi za kiuchumi kusimama katika nchi mbalimbali wao kipaumbele cha cha kampuni hiyo kwa sasa ni kusaidia na kulinda afya, ustawi na usalama wa wafanyikazi, wateja, washirika na umma mkakati wa kudumisha mwendelezo wa biashara katika viwango vyote.

Amesisitiza katika kampuni ya Liquid Telecom, katika kukabiliana na hali hiyo imesema kwa kutumia teknolojia ya habari na Mawasiliano kupitia mtandao wa Intanet kampuni hiyo imejiimarisha law kuhakikisha katika Bara la Afrika watu wanaendelea na shughuli zao kwa kutumia mtandao wa Intanet ambayo ni huduma unayoweza kuipata kwenye kampuni hiyo.

Taarifa aliyoitoa leo kwa vyombo vya habari jijini Dar es Salaam Rudnick amesema kuwa afya na usalama wa watu wao na wale wa wateja wao, wauzaji na washirika wengine na wa biashara ni muhimu sana. Amesema wametumia mipango madhubuti ya biashara katika biashara nzima ili kulinda afya ya watu wote wakiwamo wale ambao wanawasiliana nao kwa kutumia njia ya mtandao.

" Hata hivyo hii haizuii, kutekeleza na kufuata ushauri wa mamlaka, haswa Shirika la Afya Ulimwenguni na vyanzo vingine vya kuaminika. Lengo la kampuni la Liquid Telecom leo ni sawa na kila siku: Tumejitolea kuhakikisha kuwa wateja wetu wanapata huduma za kimtandao bora zaidi na suluhisho ya ki dijitali- sasa na katika wiki na miezi ijayo. Hali inavyozidi kuongezeka, tunafanya kazi kwa karibu na wafanyikazi wetu, washirika na wauzaji ili kusaidia shughuli zinazoendelea za biashara na kutumikia mahitaji ya wateja wetu.

"Mawazo yetu yanaenda kwa watu wengi ambao wameathirika na tukio hili ambalo halijawahi kutokea. Tunapanga mipango yote kuhakikisha kuwa tunafanya kila linalowezekana kusaidia wafanyakazi wetu, wateja, washirika na umma. Kuhakikisha mwendelezo wa biashara, wafanyikazi wetu wengi wanaweza kufanya kazi na kushirikiana kutoka kwa tovuti za mbali kutumia Timu za Microsoft na za aina zingine. Ikiwezekana, tunawasaidia pia wateja wetu kudumisha shughuli karibu iwezekanavyo kwa matumizi sawa, " amefafanua Rudnick.

Mkurugenzi huyo Mtendaji wa kampuni hiyo amesema wao kama wasambazaji kwa wateja, wamekuwa wakifanya mipango ya kuhakikisha mwendelezo wa mtandao na mfumo hali inavyozidi kuendelea na kwamba wana uwezo wa kufanya kazi kwa mbali na mifumo yote muhimu kwa wafanyakazi.

Amesema kuwa wamejitolea kudumisha huduma na kusaidia wateja wao na wauzaji wakati huu ambao dunia inakabiliwa na jenga la Corona ambalo kimesababisha kuzaliwa kwa mikusanyiko kama sehemu ya kujikinga na maambukizi ya virusi vya ugonjwa huo. "Ikiwa, kama mteja, ungependa kupokea msaada katika kupata suluhisho lolote na kufanya kazi kwa mbali, tafadhali tembelea mahali pa kazi pa Liquid,".

Mkurugenzi Mtendaji wa Kampuni ya Liquid Telecom pichani