MGOMBEA UBUNGE WA CCM KARATU AAHIDI KUJENGA SHULE YA BWENI KUPUNGUZA TATIZO LA MIMBA ZA WANAFUNZI WA KIKE

Na Woinde Shizza, Michuzi TV Arusha 

Mgombea ubunge wa Jimbo la Karatu kupitia Chama Cha mapinduzi Daniel Awack amewahidi wananchi wa Jimbo  hilo waliopo katika kata ya Mang'ola kuwajengea shule ya bweni ya wasichana Ili kupunguza tatizo la mimba  kwa wasichana wa Jimbo Hilo

Aliyasema hayo Jana wakati wa uzinduzi wa kampeni za jimbo hilo  ulioufanyika katika kiwanja cha Mang'ola barazani  uliopo katika kata hiyo, ambapo alifafanua kuwa wanafunzi wengi wamekuwa wakishindwa kuendelea na masomo kutokana na kupata mimba kipindi wakiwa shuleni

"Kumekuwa na tatizo la mabinti wetu kupata mimba wakiwa shuleni na hii inatokana na vishawishi wanavyovipata huko njiani wakati wakielekea shuleni, sasa nawaahaidi mkinipa Kura zenu nitahakikisha najenga shule ya wasichana ya bweni ambayo itasaidia kupunguza tatizo hili kwani wanafunzi watakuwa wanakaa shuleni namaanisha katika mabweni  hivyo itasaidia kuepuka vishawishi ambavyo wanapata wakiwa njiani "alibainisha Awack

Aidha pia aliwahidi wananchi wa Jimbo Hilo kuwawekea wakili ambaye atakuwa anawasaidia katika kesi zao ili wasiweze kuzudhulumiwa katika kesi zao mbalimbali,ambapo pia alibainisha katika Jimbo la Karatu kumekuwa na changamoto ya barabara kwa kipindi Cha muda mrefu na kuwaahidi kuwa iwapo watampa nafasi ya kuwawakilisha bungeni atahakikisha barabara hiyo inajengwa katika kiwango Cha lami

"Najua hapa Mang'ola wananchi wengi wanategemea kilimo Cha umwagiliaji  na tatizo lao kubwa Ni uhaba wa visima pamoja na miundo mbinu ya umwagiliaji,nadhani  mnanijua Mimi mwenyewe ni mkulima mkininipa kura matatizo yote haya nawahidi nitayamaliza "alifafanua Awack

Akiongea wakati wa kumnadi mgombea ubunge huyo pamoja na kumuombea Rais Kura  mwenyekiti wa CCM mkoa wa Arusha Zelothe Steven Zelothe alisema kuwa wamchague Dr magufuli kwakuwa Ni miadilifu ,mtetezi wa wanyonge,mchapakazi,mwanamapinduzi wa kweli,Ni kiongozi mpenda haki,anachukia rushwa ,anachukia ufisadi na pia ni mtetezi wa yale anayoyaamini hivyo wasiache kumchagua na katika kipindi chake Cha miaka mitano ametekeleza ahadi zake zote kwa vitendo.

Naye mgombea udiwani wa kata ya Qurus   Danstan Panga aliwataka wananchi wa Karatu kumchagua mbunge huyo kwa kuwa Kwanza Ni mkazi wa Jimbo lao pia ni mtoto wa mkulima hivyo ataweza kupeleka matatizo yao bungeni ili yaweze kutatuliwa .

"ndugu Wana Karatu tumeongozwa na upinzami miaka 25 hapa lakini hakuna Maendeleo yoyote tulioletewa  barabara Ni mbovu ,huduma za afya atupati vyema ,shule za bweni kwa watoto wetu wakike niseme tu 25 imetosha tunaitaji mabadiliko ninaomba tusifanye makosa ya nyuma"alisema Panga

Akimuombea Kura mgombea Urais kwa tiketi ya chama Cha mapinduzi ambaye pia Ni mwenyekiti wa CCM  taifa pamoja na mgombea Ubunge Jimbo la Karatu ,Balozi Batilda Burian aliwataka wananchi kuwapa Kura za kishindo wagombea hawa ili wakaweze kuwaletea Maendeleo  na kuwasisitiza wafuate kauli mbio yao inayosema miaka 25 ya kuongozwa na ushindani inatosha 

 Mwenyekiti wa CCM mkoa wa Arusha Zelothe Steven Zelothe akimkabidhi mgombea Ubunge Jimbo la Karatu Daniel Awack ( kulia) ilani mbili za Chama cha mapinduzi katika uzinduzi wa kampeni za uchaguzi  wa Jimbo Hilo

Mgombea Ubunge wa Jimbo la Karatu Daniel Awack akiomba Kura kwa wananchi wa Jimbo Hilo katika uzinduzi wa kampeni uliofanyika katika viwanja vya Mang'ola barazani Jana

 Baadhi ya Wafuasi na wanachama wa CCM wakifuatilia yaliyokuwa yakijiri kwenye mkutano huo

  Wabunge wa viti maalumu mkoa wa Arusha pamoja na mgombea Ubunge Jimbo la Longido wakiwa katika mkutano wa uzinduzi wa kampeni katika Jimbo la Karatu

 Bbalozi  Batilda Burian akiwa amepiga magoti kwa wananchi wa Jimbo la Karatu kumuombea Kura mgombea Urais pamoja na mbunge wa Jimbo la Karatu Daniel Awack.

Aliekuwa mbunge  wa Jimbo la Arumeru mashariki Joshua Nassari akimuombea Kura mgombea Ubunge wa Jimbo la Karatu ambapo aliwaambia wanakaratu waachane na vyama vinavyopenda fujo badala yake wahamie na wachague viongozi watakaowaletea Maendeleo (picha zote na Woinde Shizza ,Michuzi TV Arusha)