BWENI LA SHULE YA SEKONDARI YA KIISLAMU LIMETEKETEA KWA MOTO

Na Lusajo Frank, DSJ 

BWENI la shule ya sekondari inayomilikiwa na taasisi ya dini ya Kiislamu ya African ilitoko kiloleni mkoani Kilimanjaro limeteketea moto usiku wa kuamkia leo Octoba 9.

Kikosi cha zimamoto kanda ya Kilimanjaro kilifanikiwa kudhibiti moto huo, huku jeshi la polisi mkoani hapo linaendelea na uchunguzi kubaini chanzo cha moto huo.

 

"Tulipata wito kwamba kuna moto katika shule ya sekondari ya African Muslim na tulipofika tukakuta moto ni mkubwa sana ni jengo la bweni la ghorofa moja na moto ulikuwa umeanzia kwenye moja ya chumba ambacho kinatumika kama stoo." Amesema Inspekta Jeremiah.

Inspekta Jeremiah ameongeza kuwa "Kwenye tukio hilo hakuna majeruhi wala kifo kwa sababu wanafunzi waliondolewa mapema na kupelekwa sehemu salama, vitu vilivyoungua ni nguo zao, vitanda na madaftari, chanzo hakijabainika kwa sababu kumekuwa na mlolongo wa shule kuungua na hii ni mara ya tatu".

Aidha, matukio ya kuteketea moto shule za kiislam yamezidi kushika kasi katika mikoa mbalimbali hapa nchini.