MGOMBEA UBUNGE MTEULE SINGIDA KASKAZINI AAHIDI KUJENGA SOKO LA MAZAO YA WAKULIMA

 Kampeni meneja wa mgombea ubunge mteule jimbo la

Singida Kaskazini, Elia Digha(wa kwanza kushoto) akijadiliana

jambo na katibu wa Hamasa Mkoa wa Singida wakati wa mkutano wa kampeni uliofanyika kijiji cha Kinyamwambo, Kata ya Merya.

 Kampeni meneja msaidizi, Shabani Limu(wa kwanza kushoto)

 akipokea maelekezo kutoka kwa kampeni meneja wa mgombea

ubunge mteule wa jimbo la Singida Kaskazini, Ramadhani Ighondo wakati wa kampeni hizo.

 Mgombea ubunge mteule wa jimbo la Singida Kaskazini, Ramadhani Ighondo akinadi sera za ccm pamoja na kuomba kura kwa wananchi ili aweze kuwa mbunge wa jimbo hilo.

 Mgombea ubunge jimbo la Singida Kaskazini, Ramadhani

Ighondo(wa kwanza kulia akiwatambulisha pamoja na kuwaombea kura

wagombea udiwani wateule wa jimbo la Singida Kaskazini (Picha zote na

Jumbe Ismailly.)

Na Jumbe Ismailly, Singida

MGOMBEA Ubunge mteule wa jimbo la Singida Kaskazini, Ramadhani Ighondo

ameahidi kwamba endapo atafanikiwa kupata ridhaa na kuwa mbunge wa

jimbo hilo atahakikisha soko la uhakika la kuuza mazao ya wakulima wa

jimbo hilo linapatikana na hivyo kuwapunguzia wakulima gharama za

usafirishaji.

Ighondo ametoa ahadi hiyo kwenye mkutano wa kampeni za uchaguzi

uliofanyika katika Kijiji cha Kinyamwambo, Kata ya Merya,wilayani 

Singida vijijini alipokuwa akiomba kura za kuchaguliwa kuwa mbunge wa

jimbo hilo.

“Mimi nataka hiv...i tuanzishe soko letu la uhakika la mazao la Wilaya

ili tuweze kuwa na sauti ya kuuza mazao yetu kwenye soko letu lililopo

katika Wilaya yetu na tuweze kuwa na uwezo wa kuamua bei ya masoko ya

mazao yetu”amesisitiza huku akishangiliwa na wananchi waliohudhuria

mkutano huo.

Aidha mgombea huyo mteule amefafanua kwamba endapo soko hilo la

uhakika la kuuza mazao yao litakuwepo watakuwa na sauti pia ya kuamua

mazao yao wayauze kwa bei gani badala ya kuendelea kulitegemea soko la

kimataifa la zao la vitunguu lililopo Manispaa ya Singida,linalotawaliwa na wingi wa madalali ambao huwakwamisha wakulima hao kuuza mazao yao kwa bei waitakayo.

Kwa mujibu wa Ighondo amesema kuwa, haiwezekani wakulima wateseke kuanzia hatua ya kupanda mbegu wakati madalali wa mjini Singida wakijiandaa kushona suti tayari kwa ajili ya kupokea vitunguu kutoka kwa wakulima ambao hawana sauti na bei ya soko ya wakati huo.

“Wakati wewe mkulima unanza kupanda mbegu za vitunguu mwenzako anaanza kushona tai,ukianza kufukua vitunguu,dalali anaanza kupiga pasi sutiyake halafu ukienda kukutana naye sokoni anakupiga bei,anakupiga zaidi ya hali halisi ya kipimo cha kitunguu kilivyo.”amesema.

Hata hivyo mgombea huyo ameahidi  kuboresha miundombinu ya barabara

ili kuhakikisha inakuwa ikipitika kwa kipindi cha mwaka mzima na

kuwapunguzia kero ya kusafirisha mazao yao kwa gharama kubwa kutokana

na barabara kukatika baada ya mvua kuanza kunyesha.

Akiwanadi wagombea wateule wa ubunge na udiwani wa jimbo la Singida

kaskazini, Mwenyekiti wa CCM Wilaya ya Singida vijijini Wiliamu

Nyalandu amesisitiza kwamba chama hicho kinasikitishwa na kauli

zinazotolewa na mgombea ubunge mteule wa jimbo hilo kupitia chama

kimoja cha siasa kwamba yeye bado hajahama CCM kwani bado hajarudisha

kadi wala sare za chama hicho.

“Udanganyifu wa kwanza unaoendelea na wale wanaogombea kupitia vyama

vingine,mimi sisemi mtu ila ujumbe utakuwa umefika,la kwanza mtu

anasema yeye bado hajahama ccm kwa sababu kadi yake ya ccm bado

hajairudisha na sare za ccm bado anazo.”ameeleza. 

Kwa upande wake meneja kampeni wa mgombea ubunge mteule wa jimbo

hilo, Elia Digha amesema pamoja na udogo wa Kijiji cha

Kinyamwambo,lakini mapema kabisa serikali ilikipatia huduma ya

niashati ya umeme pamoja na kuondoa changamoto ya upungufu wa madawati kwa kuwapatia madawati ya kutosha.