MGOMBEA UDIWANI KATA YA MZIMUNI AAHIDI NEEMA YA AJIRA KWA VIJANA

Mgombea Udiwani Kata ya Mzimuni Manfred Lyoto wa mbele (mwenye Shati  la kijani) akisikiliza changamoto za wananchi hawapo pichani katika mikutano ya kampeni kuelekea uchaguzi mkuu  2020 wa Oktoba 28,.

Na Mwandishi Wetu, Dar es Salaam 

IDADI kubwa ya Vijana wanaoishi maeneo mbalimbali  kutoka  Kata ya Mzimuni Wilaya ya Kinondoni Jijini Dar es Salaam wanatarajia kupata ajira mara tu baada ya uchaguzi Mkuu wa 2020 kumalizika na hiyo ni kufuatia ahadi iliyotolewa na mgombea wa kiti cha udiwani katika Kata hiyo.

Hayo yamesemwa na mgombea nafasi ya Udiwani kupitia Chama cha Mapinduzi (CCM) Kata ya Mzimuni Manfred Lyoto wakati akizungumza katika kamnpeni zake katika Kata ya Mzimuni jijini  jijini humo. 

Amesema kuwa,  suala  la ajira kwa vijana wa Kata ya Mzimuni tayari  lina mbadala wake na hiyo ni kutokana na matarajio kupitia makampuni mbalimbali yakiwemo ya kichina ambayo ameyashawishi ili yatoe  ajira kwa vijana hao.

Amesema mbali na changamoto  ya vijana kutokuwa na ajira lakini pia zipo changamoto mbalimbali ambazo wanamzimuni wamekuwa wakikumbana nazo na kuahidi kuwa ikiwa atapewa ridhaa ya kuongoza atahakikisha anazishughurikia  kwa haraka.

"Lakini pia ninatambua kuwepo kwa changamoto nyingine kubwa ya baadhi ya barabara zetu kutopitika nipende kuahidi kwamba hili nalo nitalishughurikia pamoja na nyingine nyingi;"amesema Lyoto.

Aidha amewaomba wananchi kutokosea na kuchagua mtu wa chama kingine mbali na CCM na kusema kuwa iwapo watafanya hivyo basi wataendelea kulalamika kwa kutotatuliwa matatizo wanayokumbana nayo kwenye Kata hiyo.