WAZEE 281 WANAOISHI KWENYE MAKAZI 13 NCHINI WAMEPATIWA MATUNZO NA SERIKALI

 baadhi ya wazee wanaoishi katika makazi ya wazee na

wasiojiweza Sukamnahela wakisubiri kupokea msaada wa vitu mbali mbali

vilivyotolewa na Wizara ya Afya.

Mkuu wa Mkoa wa Singida, Dkt Rehema Nchimbi akipitia

risala ya Katibu Mkuu wa Wizara ya Afya,Dkt John Jingu iliyosomwa kwa

niaba yakena Kamishina wa Ustawi wa Jamii,Dkt.Naftali Ng’ondi wakati

wa kukabidhi msaada wa vitu mbali mbali.

Baadhi ya viongozi wa serikali waliohudhuria hafla ya

makabidhiano ya vifaa mbali mbali kwa wazee waishio kwenye kambi ya

wazee na wasiojiweza ya Sukamahela.

 Mkuu wa Mkoa wa Singida, Dkt. Rehema Nchimbi (aliyevaa

miwani) akimkabidhi mwenyekiti wa wazee wanaoishi kwenye kambi ya

wazee na wasiojiweza Sukamahela vifaa mbali mbali ili viweze

kuwasaidia katika mahitaji yao mbali mbali.(Picha zote Na Jumbe

Ismailly)

Na Jumbe Ismailly, Manyoni

KATIBU Mkuu Wizara ya Afya Maendeleo ya Jamii, Jinsia Wazee na

watoto, Dkt John Jingu amesema wazee 281 wanaoishsi katika makazi 13 ya

wazee nchini wakiwemo wanaume 161 na wanawake 120 wamekuwa wakipatiwa kikamilifu matunzo katika kipindi cha kuanzia mwezi Januari,hadi kufikia mwezi septemba,mwaka huu.

Akitoa maelezo mafupi kwa niaba ya katibu mkuu wa wizara wakati wa

kukabidhi msaada wa vifaa mbali mbali kwenye makazi ya wazee na

wasiojiweza Sukamahela, Kamishina wa Ustawi wa Jamii, Dkt.Naftali

Ng’ondi amesema kwamba kwa mujibu wa sera ya Taifa ya Wazee ya mwaka

2003,inatambua wazi kwamba wazee ni rasilimali muhimu kwa maendeleo ya

Taifa.

Hata hivyo Dkt Jingu amebainisha kuwa makazi ya wazee ya Sukamahela

kuna jumla ya wazee 15 wakiwemo wanaume 12 na wanawake 3 na kwamba

kupitia wizara ya Afya, Maendeleo ya jamii, Jinsia,Wazee na watoto

inajivunia kupata mafanikio katika maeneo mbali mbali ya utoaji wa

huduma kwa wazee.

“Kwa mujibu wa sera ya Taifa ya mwaka 2003 inatambua kuwa wazee ni

raslimali muhimu kwa maendeleo ya taifa,hivyo ili kulinda haki na

ustawi wa wazee,sera hiyo inatoa jukumu kwa familia na jamii kuchukua

jukumu la kutoa matunzo kwa wazee” amesema.

Aidha Dkt Jingu amebainisha kwamba kwa wazee ambao wamekosa ndugu na

jamaa wa kuwatunza,serikali imekuwa ikichukua jukumu la kuwataunza

wazee hao katika makazi mbali mbali nchini.

Kwa mujibu wa Daktari huyo serikali imeendelea kuboresha miundombinu

na majengo ya makazi ya wazee kwa kufanya ukarabati na ujenzi mpya na

kwamba miongoni mwa makazi yaliyoboreshwa ni pamoja na makazi ya

Sukamahela.

Hata hivyo amesisitiza kwamba makazi ya wazee na wasiojiweza

Sukamahela yalianzishwa mwaka 1974 na lengo kuu la kuanzishwa kwake ni

kutoa huduma za matibabu pamoja na huduma zingine za msingi kwa

waathirika wa ugonjwa wa Ukoma na familia zao.

“Vile vile wizara imeendelea kuimarisha upatikanaji wa chakula katika

Makazi ambapo wizara imekuwa ikituma fedha kwa wakati ambazo

zinawezesha wazee kupata uhakika wa chakula ikilinganishwa na siku za

nyuma”.alifafanua katibu mkuu huyo.

Akikabidhi msaada wa vitu mbali mbali kwenye makazi ya wazee na

wasiojiweza,Mkuu wa Mkoa wa Singida,Dkt Rehema Nchimbi

amewahakikishiwa wazee hao kwamba serikali inawapenda sana na ndiyo

maana ofisi itakayoendelea kuwahudumia kikamilifu ikafunguliwa kwenye

Makazi hayo

Aidha kwa mujibu wa Mkuu huyo wa Mkoa ili kufikia uzee ulio mwema,uzee

ambao ni wa baraka,uzee wa ushauri,uzee wa kuelekeza unatokana na

mipango mizuri ya serikali na hasa serikali ya awamu ya tano ya Dkt

John Pombe Magufuli.

“Sasa yote hayo yanawezekanaje,yanawezekanaje kufikia uzee wa

baraka,uzee wa ushauri,uzee wa kuelekeza inakuwaje,ni kutokana na

mipango mizuri ya serikali na hasa serikali ya awamu ya tano ya Dkt.

John Pombe Magufuli”alisisitiza Dkt Nchimba.

Tarehe,01 Oktoba,ya kila mwaka ni siku ya Kimataifa ya wazee na mwaka

huu maadhimisho hayo yanafanyika kimkoa huku kauli mbiu ikiwa“Familia

na Jamii Tuwajibike kuwatunza wazee”.