TIMU YA WASICHANA U-17 YAWAGARAGAZA COMOROS MICHUANO YA COSAFA

Mchezaji Mwamvua Seif akishangilia baada ya kupachika mpira kimyani na kufunga bao la nne.

Mchezaji wa wa timu ya wasichana U-17 ya Tanzania Joyce Fredy akiwania mpira ulioko kwa mchezaji wa Comoros, katika michuano ya COSAFA inayofanyika nchini Afrika kusini.

Na Agness Francis, Michuzi Tv

KIKOSI cha  timu ya  wasichana  U-17 ya Tanzania wametoka kifua mbele kwa kuwagaragaza timu ya Comoros mabao 5-1 katika dimba la uwanja wa Oval Stadium nchini Afrika Kusini mchezo uliocezwa leo.

Ambapo katika kipindi cha kwanza timu ya Tanzania imeanza kupata goli la kuongoza dakika ya 20 kupitia kwa mchezaji wake Aisha Masaka, Comoros nao hawakuwa nyuma  dakika ya 26 ya mchezo huo wamesawazisha goli hilo kupitia kwa mchezaji wao Noussrat Mistoihi na magori hayo yamedumu mpaka wachezaji wanakwenda mapumziko.

Kipindi cha pili kilianza kwa timu ya wasichana ya Tanzania kushambulia kwa kasi na dakika ya 59 Aisha Masaka tena amepachika goli la pili kimyani.Huku dakika ya 61 Joyce Fred amecheka na nyavu za Comoros na kuifungua timu yake bao la tatu, 

Mwanvua Seif dakika ya 82 nae amefanikiwa kongeza bao la nne na goli la tano limefungwa na Ptrotacia  Mburda dakika 88 za lala salama.

Ikiwa ni mbio za kuusaka ubingwa  wa kombe la Mashindano ya COSAFA  kwa wasichana U-17 yalioanza kutimua vumbi  jana novemba 3 mwaka huu ambapo wameshikishwa timu kumi kutoka nchi mbali mbali barani Afrika.

Ambazo ni kundi A, Afrika kusini,  Eswatini, Comoros, Angola, kundi B, Zambia , Malawi, Lesotho, Huku kundi C zikiwa ni Tanzania , Zimbabwe pamoja na Botswana.