MBARONI KWA WIZI WA VYUMA VYA RELI

Na Amiri Kilagalila, Njombe

JESHI la polisi mkoa wa Njombe linamshikilia mfanyabiashara wa vyuma

chakavu eneo la mizani mjini Makambako aliyefahamika kwa majina ya

Anania Msemwa kwa kukutwa na vyuma vya reli ya TAZARA na vingine

vinavyodaiwa kuibwa kwenye mradi wa ujenzi wa barabara ya

Moronga-Makete.

Kamanda Hamis Issa amebainisha baadhi ya miundombinu iliyokamatwa kuwa ni

pamoja na vyuma vya reli ya Tazara pamoja na vyuma ambavyo vimeibwa

katika miradi ya ujenzi wa barabara ya Moronga -Makete ndani mkoa wa

Njombe.

“Kilichopatikana hapa Makambako ni vyuma vya Reli ya Tazara kwa hiyo

amekamatwa mtu ambaye alikuwa ameviweka nyumbani kwake na huyu mtu ana kibali cha kufanya biashara ya kununua vyuma chakavu na vyuma hivi

vimeshatambuliwa vinatokana na reli na reli inayopatokana hapa ni ya

Tazara”alisema kamanda Issa

Pamoja  na hayo Jeshi la polisi linamshikilia Anania Msemwa mwenye

umri wa miaka 50 mfanyabiashara na mkazi wa Njombe ambaye anajihusisha

na ununuzi wa vyuma chakavu baada ya kukutwa na vyuma hivyo.

“Na tumeweza kukamata vyuma vingine 17 vizito kweli kweli aliyekamtwa

navyo anaitwa Anania Msemwa.huyu ni mfanyabiashara ananua vvyuma

chakavu eneo la mizani Makambako,na vyuma hivi vimetoka kwenye Krushia

ya kupasua kokoto kwenye mradi wa kutengeneza bara bara inayotoka

Moronga-Makete.” aliongeza kamanda Issa.

Kamanda Issa amewataka wakazi wa Njombe kuheshimu miradi ya serikali

inayotekelezwa katika mkoa huo kwa kutoa taarifa na kuwafichua watu

wote wanaojihusisha na kuhujumu miradi hiyo kwa kuiba mafuta , saruji

na baadhi ya vifaa vinavyotumika katika ujenzi wa miradi hiyo.