DAWASA TUMIENI LUGHA NYEPESI YA MAWASILIANO KUTOA ELIMU YA HUDUMA ZENU KWA WANANCHI - GONDWE

Fundi Sanifu wa Mradi wa Maji Mbagala Rufu Robert Chenge

akitoa maelezo kwa Mkuu wa Wilaya ya Temeke Godwin Gondwe baada ya

kutembelea mradi wa Mbagala Rufu uliofanyiwa maboresho na Mamlaka ya

Majisafi na Usafi wa Mazingira Dar es Salaam (DAWASA).

 Mkuu wa Wilaya ya Temeke Godwin Gondwe akizungumza na

wananchi wa Jet watakaopata huduma ya maji kupitia mradi wa Jet Buza

unaotarajiwa kumalizika mwezi Aprili mwaka huu,  mradi wa maji wa Jet

Buza unasimamiwa na Mamlaka ya Majisafi na Usafi wa Mazingira Dar es

Salaam (DAWASA) unaohudumia takribani wakazi 10,000

Katika maeneo ya Kiwalani, Jet, Buza hadi Mwanagati.

Meneja wa Mkoa wa Kihuduma Dawasa Temeke

Crosman Makere akitolea ufafanuzi mradi wa maji aa Jet - Buza kwa Mkuu

wa Wilaya ya Temeke Godwin Gondwe unaotarajiwa kumalizika mwezi Aprili

mwaka huu wenye thamani ya Bilion 3.7  mradi huo utahudumia wakazi wa

Kiwalani, Jet, Buza hadi Mwanagati.

Mkuu wa Wilaya ya Temeke Godwin Gondwe akimtwisha mama

ndoo ya maji baada ya kutembelea mradi wa Mbagala Rufu uliofanyiwa

maboresho na Mamlaka ya Majisafi na Usafi wa Mazingira Dar es Salaam

(DAWASA.)

 Mkuu wa Wilaya ya Temeke Godwin Gondwe akizungumza na

wananchi wa Kata ya Mbagala alipotembelea mradi wa maji wa Moringe

unaosimamiwa na Mamlaka ya Majisafi na Usafi wa Mazingira Dar es

Salaam (DAWASA) unaohudumia takribani wakazi 3,000  wa kata hiyo

Na Zainab Nyamka, Michuzi Tv

MKUU wa Wilaya ya Temeke Godwin Gondwe amesema Mamlaka ya Maji safi na Usafi wa Mazingira Dar es Salaam (DAWASA) kutumia lugha nyepesi ya

mawasiliano kutoa elimu kwa wananchi juu ya huduma zinazotolewa na

mamlaka hiyo.

Mkuu wa Wilaya amefanya ziara ya kutembelea miradi ya Dawasa ndani ya

Wilaya hiyo akianzia mradi wa maji wa Jet- Buza unaotarajiwa

kumamilika mwezi April mwaka huu na kisha kutembelea miradi ya Jamii

katika sehemu tatu tofauti.

Akizungumza kwa nyakati tofauti wakati wa ziara hiyo, Mkuu wa Wilaya

amesema Dawasa wanatakiwa kutumia lugha nyepesi wakati wa kutoa elimu

juu ya bei ya huduma ya maji inayotolewa na Mamlaka hiyo.

Amesema, Dawasa wanafanya kazi kubwa sana ya kutoa huduma ya maji

ndani ya Mkoa wa Dar es Salaam lakini wananchi wengi wanashindwa

kutumia huduma hiyo kwa kudhania bei ni kubwa lakini kuna tofauti

kubwa sana na gharama za watu binafsi na zile za Dawasa.

"Unajua ukinunua lita 20 ya maji unauziwa kwa sh 100 lakini ukipiga

mahesabu kwa huduma wanayotoa Dawasa ya Unit 1 kwa sh 1663 ni sawa na

kununua ndoo moja ya maji kwa sh 33.3 ambapo mwananchi unakuwa

umenusuru kiasi kikubwa cha fedha ikiwa ni kwa mwezi ah mwaka."

amesema Gondwe.

Aidha, ameupongeza uongozi wa Dawasa chini ya Afisa Mtendaji Mkuu

Mhandisi Cyprian Luhemeja amefanya kazi kubwa ya kuhaakikisha wananchi

wanapata huduma ya maji na miradi yote inafanya kazi kama hivi

mnavyoona.

"Nimpongeze Afisa Mtendaji Mkuu wa Dawasa ameonyesha uweledi wa nafasi

aliyopewa, waananchi wa Temeke sasa hivi wanapata huduma ya maji safi

kuna maeneo yalikua na changamoto ya maji hasa kwenye miradi ya muda

mrefu kama hii lakini wao kama Mamlaka wamechukua na wameifanyia kazi

na mnafurahia huduma ya maji."

Akiwa katika mradi wa maji Mbagala Rufu uliotumia takribani milion 78,

Gondwe amewapa siku saba mamlaka hiyo kukamilisha ofisi na kuanza

kuongeza mtandao wa mabomba katika maeneo ambayo hayajapata mradi huo.

Kwa Upande wa Meneja wa Mkoa wa Kihuduma Temeke Crosman Makere

akizungumzia miradi aliyotembelea Mkuu wa Wilaya Temeke, amesema mradi

wa Jet Buza una thamani ya Bilion 3.7 na unatarajiwa kukamilika mwezi

Aprili mwaka huu ukilazwa mabomba ya inchi 16 kwa urefu wa Km 7.5  na

km 37 kwa mabomba ya usambazaji maji.

Amesema, kwa sasa mafundi wapo kazini wakiendelea na shughuli za

ulazaji wa mabomba hayo sambamba na kuanza maunganisho kwa wateja

wapya wa Dawasa walioomba huduma ya maji na utahudumia wakazi 10,000

(elfu kumi.)

"Kwa mradi wa Mbagala Rufu, Dawasa iliuchukua mradi huu ukiwa  hauko

katika hali nzuri tumeufanyia ukarabati tukitumia Milion 78 na hata

mradi wa Moringe ni Milion 54 tukiongezea vizimba vya kuchotea maji,

kuongeza mtandao wa maji na ununuaji wa matanki ya kuhifadhia maji."

amesema Makere

Aidha, amesema kwa sasa jumla ya wateja zaidi ya 250 katika miradi

hiyo ya kijamii na wananchi wanaendelea kuomba kuunganishwa kupata

huduma ya maji.

Ziara ya Mkuu wa Wilaya ilihitimishwa kwa kuwataka wananchi kulinda

miundo mbinu ya maji kwani fedha zinazotumika ni za serikali ambapo

utakapoharibu miundo mbinu hiyo wananchi wengine watakosa huduma ya

maji na kuwataka kutoa taarifa pindi wanapoona mtu amefanya uharibifu

wa miundo mbinu.