Wafanyabiashara mkoani Arusha wamlilia Rais Magufuli.

Jane Edward,Michuzi TV,Arusha

Wafanyabiashara mbalimbali mkoani Arusha wamemlilia Hayati Rais John Pombe Magufuli kwa namna ambavyo aliweka nidhamu kwenye biashara na kuendelea kuwapa moyo wafanyabiashara mbalimbali kuchangia Kodi kutokana na utendaji kazi mzuri aliokuwa nayo.

Wakizungumza kwa nyakati tofauti wafanyabiashara hao, Mkurugenzi wa makampuni ya Benson yaliyopo mkoani Arusha Naushad Hussein alisema kuwa,kifo Cha Rais Magufuli ni pigo kubwa kwa nchi yetu kutokana na jinsi alivyoitengeneza nchi kwa kipindi cha miaka mitano tu.

Alisema kuwa,Rais Magufuli atakumbukwa kwa mengi sana ambayo ameyafanya ikiwemo kuweka nidhamu ya biashara ambayo imewafanya wafanyabiashara mbalimbali kulipa Kodi kwa uhakika kutoka na kazi zinazoonekana.

Naye  Meneja wa Tanroad mkoani Arusha,Injinia John Kalupale alisema kuwa,kwa kweli nchi imepata pigo kubwa sana na ni msiba wa kitaifa ambao hauzoeleki kwani alikuwa mtu ambaye hakubagua mtu yeyote dini au kabila alitenda haki kwa watanzania wote .

Mfanyabiashara Naushad Hussein, Akizungumza na vyombo vya Habari ofisini kwake Jijini Arusha, juu ya msiba wa Hayati John Pombe Magufuli (Picha na Jane Edward, Michuzi TV, Àrusha).