BODI YA WAKURUGENZI TANESCO YARIDHISHWA NA HATUA ZA AWALI ZILIZOCHUKULIWA NA VIONGOZI WA SHIRIKA HILO MOROGORO

Na Farida Sady, Morogoro

BODI ya Wakurugenzi ya shirika la Ugavi wa umeme Tanzania TANESCO imesema kuwa imeridhishwa na hatua zinazochukuliwa na uongozi wa shirika hilo Mkoani Morogororo ya kurejesha huduma ya umeme kwa hatua za awali.

Kauli hiyo imetolewa na Mwenyekiti wa bodi hiyo Alexander Kyaruzi mara baada ya kufanya ziara katika katika kituo hicho pamoja na eneo la Tungi ambapo inaamini kuwa ni chanzo cha mlipuko uliosababisha kuungua kwa jengo la la kuthibiti mfumo wa upande wa umeme usongo wa kilovati 33 katika kituo cha kupozea na kusambaza umeme cha Msamvu Mkoani huo august 02,2021.

Aidha bodi hiyo ilipotembea kituo hicho imewataka wananchi kuendelea kuwa na subra wakati shirika hilo likiendelea na juhudi za kupata Umeme kutoka vituo vya jirani ili huduma iweze kurejea katika hali yake

Kwa upande wake Msimamizi wa kituo cha Umeme Cha Msamvu Mhandisi Loserian Joseph Kilusu amesema kuwa mara baada ya kutoea kwa moto huo walichukua hatua za awali za kuizima na baadae ndipo walipooita jeshi la zimamoto na Uokoji kwa msaada zaidi.

Nae Meneja wa Usafirishaji vituo vya kupozea Umeme Nchini Mhandisi Zakaria Mgalama amesema kuwa jukumu lao kubwa kwa sasa ni kuhakisha wanannachi wa Mkoa wa Morogoro wanapata huduma hiyo kama awali.

Meneja wa Usafirishaji vituo vya kupozea Umeme Nchini Mhandisi Zakaria Mgalama akitoa maalezo kwa Bodi ya Tanesco ya namna ya tukio lilivyotokea katika eneo la Tungi Manispaa ya Morogoro ambapo inaaminika kuwa ndio chanzo cha mlipuko katika jengo la la kuthibiti mfumo wa upande wa umeme usongo wa kilovati 33 katika kituo cha kupozea na kusambaza umeme cha Msamvu Mkoani huo august 02,2021.

sehemu ya mitambo iliyoungua katika kituo cha kupozea umeme cha msamvu.