CROWN YA MISS EASTERZONE YAACHA GUMZO

Na Khadija Seif, Michuzi Tv

SHINDANO la kumtafuta mlibwende ukanda wa Pwani (Miss Easter zone)  linatarajia kufanyika Septemba 24 mwaka huu katika ukumbi wa Daynastic beach Ununio, Dar es Salaam.

Akizungumza na Waandishi  wa Habari jijini Dar es Salaam Mratibu wa shindano hilo, Nancy Matta amesema mshindi wa kwanza wa Kinyang'anyiro hicho atajinyakulia kitita cha shilingi milioni tatu, huku mshindi wa pili akipatiwa shilingi milioni mbili na  nusu na kwa  Mshindi wa tatu Shilingi milioni moja.

Nancy ameeleza kuwa shindano hilo limeweza kupata washiriki kupitia Mikoa ya Pwani ipatayo minne.

 Aidha amesema kuwa, kutokana na nafasi yake na uzoefu wake katika mashindano hayo anaamini kuwa shindano hilo litakua ni sehemu ya washiriki kupata tiketi ya kushiriki mashindano ya Miss Tanzania mwaka huu.

"Shindano  limeshirikisha Mikoa ya Morogoro, Lindi, Mtwara na Pwani ambapo washindi watapata nafasi ya kushiriki mashindano ya Miss Tanzania na kuwakilisha taifa katika shindano la dunia." amesema.

Mratibu huyo ameongezea Kuwa Septemba 22 mwaka huu kutafanyika shindano la kumtafuta warembo wenye vipaji’ Miss Talent’.

"Shindano hili litafanyika mkoani Morogoro, nawaomba wadau wa urembo kujitokeza kwa wingi ili kushuhudia vipaji lukuki kwa warembo hawa." amesema.

Kwa upande wake Afisa Habari wa bodi ya Utalii, Maria Mafie amesema shindano hilo litasaidia kukuza na kuendeleza utalii wa ndani.

Maria amefafanua kuwa ugonjwa wa corona umesababisha kupungua kwa watalii nchini, hivyo shindano hilo litasaidia kuhamasisha watanzania kujitokeza katika vivutio.

Mratibu wa Shindano la Miss Easterzone Nancy Matta akionyesha crown ya atakaibuka Mshindi wa Shindano Hilo akiwa pamoja na wadhamini mbalimbali akiwemo mtengenezaji wa crown hiyo Amina Swedy