UJAUZITO WA VANESSA MDEE WAMUIBUA JUX...ASHINDWA KUVUMILIA, AMTUMIA UJUMBE

 UJAUZITO WA VANESSA MDEE WAMUIBUA JUX...ASHINDWA KUVUMILIA, AMTUMIA UJUMBE

Na Jamaly Mussa, DSJ

MSANII wa muziki wa kizazi kipya maarufu Bongo Fleva Juma Jux ameamua kumtumia ujumbe kwa aliyekuwa mpenzi wake wa zaamani Vanessa Mdee kwa kukwambia hana Neno na anamtakia kila la heri katika maisha yake ya sasa.

Jux ametuma ujumbe huo ikiwa ni siku chache tu Vanessa kuweka picha inayomuonesha akiwa na ujauzito wa mpenzi wake  Rotimi wanayeishi naye nchini Marekani.Vanessa ana ujauzito wa miezi sita.

Vanessa moja ya Siprise aliyoifanya ni kuficha ujauzito huo kwa muda wote hadi alipoamua kuonesha picha akiwa mjamzito kupitia ukurasa wake wa Instagramu

Baada ya Venessa kuweka picha hiyo huku akiwa na mpenzi wake,Jux ameshindwa kuvumilia ,hivyo ametuma ujumbe kwa mwanadada huyo kupitia wimbo wake mpya ambao ameupa jina la Hana Noma.

Iko hivi, huko mitandaoni kumekuwepo na mjadala mkubwa na mmoja wa mashabiki wa Vanessa Mdee aliamua kumshambulia Jux,hivyo akaona badala ya kukaa kimya ni bora akatoa ya moyoni kupitia wimbo huo.

Katika wimbo huo sehemu ya mashairi yanasema hivi; "Awe na furaha na amani hamchukii bali anamuombea maisha yenye furaha." Ujumbe huo ni maalum kwa Vanessa Mdee ambaye walikuwa na mahusiano kwa muda mrefu lakini hawakubahatika kupata mtoto

Jux ndani ya kibao hicho hakusita kueleza jinsi ambavyo hana chuki yoyote na Vanessa, na kwamba maisha lazima yaendelee na yaliyopita huko nyuma yameshapita na sasa ni wakati wa kila mmoja kufurahia maisha anayoishi.