MWENYEKITI ALIYEUWAWA KATIKA MAZINGIRA YA UTATA AZIKWA KIJIJINI KWAO KIBOSHO.

Mkuu wa wilaya ya moshi Saidi Mtanda akizungumza katika ibada ya  maziko ya aliyekuwa mwenyekiti wa kijiji cha kombo kata ya kibosho magharibi aliyeuawa   na mwili wake kukutwa umetupwa shambani kwake siku ya jumatano

Mkuu wa kituo cha Polisi Moshi.SSP Pili Misungwi akitoa salamu za pole kwa aliyekuwa mwenyekiti wa Kijiji cha Kombo Joachim Sakaya.

Kutoka kushoto ni Mkuu wa Wilaya ya Moshi Said Mtanda , Katikati ni Katibu Tawala Wilaya ya Moshi Angelina Lubella wakimsikiliza mtoto wa marehemu James Sakaya ( Mtoto wa marehemu) .

Baadhi ya waombolezaji wakiwa Nyumbani kwa marehemu

Na.Vero Ignatus, Kilimanjaro

Jamii  imehaswa kujenga utamaduni wa maridhiano ,pale changamoto inapo tokea katika familia au jamii husika ili kuepesha madhara ambayo yanayoweza kutokea ikiwemo kudhuriana ,au kusababisha kifo.

Hayo yamesemwa na Mkuu wa Wilaya ya Moshi Said Mtanda October 09,2021 katika ibada ya maziko ya Joachim Sakaya aliyekuwa Mwenyekiti wa Kijiji Cha Kombo ,Kata Kibosho Magharibi Wilaya Moshi Mkoani Kilimanjaro.

"Kila mmoja wetu pana mahali anasali wengine ni KKKT,KATHOLIC,WASABATO, WAISLAM ,lakini tumuogopeni Mungu unamuua binadamu mwenzako unapata faida gani? Ardhi si chochote si lolote tutakufa tutaiacha tuwe na maridhiano " Alisema Mtanda .

Kwa upande wake  Mkuu wa Polisi Wilaya ya Moshi Pili Msungwi, ametoa wito kwa jamii kuendelea kuwafichua wale wote wanao chukua sheria mkononi na kusababisha maradhara.

"Kama unazo taarifa  za tukio hili, au taarifa zozote zinazo husiana na wahalifu ,wavunja sheria za Nchi na uvunjifu wa amani toeni taarifa hizo kwa Jeshi la Polisi ili kukata mnyororo huo usiendele." Alisema Pili.

James Joachim Sakaya ni Mtoto wa Marehemu amesema Marehemu baba yake alitoka  Nyumbani siku ya Jummane kuelekea katika shughuli zake za kiutendaji  na hakurudi  Nyumbani hadi pale mwili wake ulipo kutwa umetupwa shambani kwake siku ya Jumatano.

Sakaya amesema awali ulikuwepo ugomvi wa kifamilia kati ya ndugu wa Baba Mkubwa na mdogo,hivyo hadi Sasa bado hawajatambua Kama ndio uliopelekea kutokea kwa tukio hilo ama la.

Tukio hili kwetu sisi kimetuumiza.sana mioyo yetu,kwa vile Serikali ipo Basi tumeamua kuwaachia wao watusaidie  vya na vifanye kazi yake,hadi Sasa hatujaelewa nini chanzo Cha baba yetu kuuwawa.alisema James 

Diwani wa Kata hiyo Kibosho Magharibi Prosper Massawe amesema tukio la mauaji ni la pili kutokea eneo hilo, ambapo mwaka jana 2020 aliuwawa Mwalimu,  hivyo wao kama viongozi wa eneo husika kwa kushirikiana na Jeshi la Polisi, wataitisha mkutano wa kulaani vitendo kama hivyo kwani vinaichafua kata hiyo.