MKAKATI WA KUONGEZA SHEHENA YA DRC, TPA YATINGA KASUMBARESA

Na Mwandishi Wetu

KAMA sehemu ya mkakati wake, kuongeza shehena ya mzigo toka nchi ya Jamhuri ya Kidemokrasia ya Congo (DRC), menejimenti ya Mamlaka ya Usimamizi wa Bandari Tanzania (TPA) imetembelea mpaka wa Kasumbaresa kujionea shughuli za mpakani hapo.

Mpaka wa Kasumbaresa ambao hupakanisha nchi za Zambia na DRC, ndio mpaka mkubwa unaopitisha shenena kubwa ya bidhaa zinazotoka na kuingia nchini DRC kupitia Bandari ya Dar es Salaam.

Menejimenti ya TPA iliyoongozwa na Mkurugenzi Mkuu Eric Hamissi iliambatana wadau kadhaa katika ziara hiyo iliyolenga kutatua changamoto mbalimbali zinazowakabili wateja wanaotumia bandari za Tanzania ili kuongeza ufanisi wa utoaji huduma.