Rais Samia anatarajiwa kufanya Ziara ya Kiserikali ya siku 3 nchini Misri

JAMHURI YA MUUNGANO WA TANZANIA

KURUGENZI YA MAWASILIANO YA RAIS IKULU

Simu: 255-262961500/1  Nukushi: 255-262961502 Baruapepe: press@ikulu.go.tz Tovuti : www.ikulu.go.tz                Dodoma. 09 Novemba, 2021.

OFISI YA RAIS,       IKULU,   1 BARABARA YA JULIUS NYERERE,    CHAMWINO, S.L.P 1102, 40400 DODOMA.

TAARIFA KWA VYOMBO VYA HABARI

Rais wa Jamhuri ya Muungano wa Tanzania, Mhe. Samia Suluhu Hassan kesho tarehe 10 Novemba, 2021 anatarajiwa kuondoka nchini kuelekea Cairo nchini Misri kwa ziara ya Kiserikali ya siku tatu.

Ziara hiyo  ya Kiserikali ya siku tatu inafuatia mwaliko wa Rais wa nchi hiyo, Mhe. Abdel Fattah Al Sisi. 

Katika ziara hiyo, Mhe. Rais Samia pamoja na mambo mengine anatarajiwa kufanya mazungumzo na mwenyeji wake katika maeneo kadhaa ya ushirikiano kati ya Tanzania na Misri ikiwemo nyanja za diplomasia, uchumi, siasa, elimu, utalii na huduma za kijamii. 

Mhe. Rais Samia na mwenyeji wake pia wanatarajiwa kushuhudia utiaji saini mkataba mmoja (1) na hati saba (7) za makubaliano kati ya Tanzania na Misri.

Jaffar Haniu

Mkurugenzi wa Mawasiliano ya Rais, Ikulu.