AFISA ELIMU S/MSINGI CHALINZE AAHIDI KUTATUA CHANGAMOTO YA UMEME NA MAJI BWANI UNIVERSAL

 

 Wahitimu Sekele Mwakisegile(Kushoto) na Clonerius Mwesiga(Kulia) wakisoma shairi wakati wa mahafali hayo katika  shule ya  awali na msingi ya Bwawani  "Universal Pre and Primary School"  iliyopo Kata ya Ubena Kijiji Cha Visakazi  Wilaya ya Bagamoyo Halmashauri ya Chalinze Mkoani Pwani.

Na Khadija Kalili, Chalinze

Afisa Elimu wa Shule ya Msingi  katika Halmashauri ya Chalinze Mkoa wa Pwani Miriam Kihiyo ameahidi kutatua Changamoto ya ukosefu wa maji na umeme katika  shule ya  awali na msingi ya Bwawani  "Universal Pre and Primary School"  iliyopo Kata ya Ubena Kijiji Cha Visakazi  Wilaya ya Bagamoyo Halmashauri ya Chalinze Mkoani Pwani.

Kihiyo alisema hayo alipokuwa mgeni rasmi katika mahafali  ya Sita ya wanafunzi waliokuwa wamehitimu kuanza darasa la kwanza mwakani  shuleni hapo yaliyofanyika mwishoni mwa wiki.

"Naomba wazazi tusimamie maadili na nidhamu  kwa watoto wetu  nidhamu za watoto wetu zianzie majumbani katika ngazi ya familia ikiwa ni pamoja na kuvaa mavazi yenye kustiri maungo yao na yenye nidhamu, pitieni madaftari  ya watoto pindi wanaporudi kutoka shuleni msiwaachie mzigo huo waalimu peke yao" alisema Kihiyo.

Akizungumza kuhusu changamoto ya ukosefu wa maji na umeme shuleni hapo aliahidi kylisimamia jambo hilo na kugakikisha huduma hiyo muhimu inawafikia katika eneo shuleni hapo huku alisisitiza kwa kusema kuwa ataongea na Wizara ya Ardhi ili wahusika  watafutwe wa meeneo taliyoachwa na kuwa pori linalozunguka eneo la Shule Hali inayotoshia usalama wa wanafunzi na waalimu kwa ujumla Ili wahusika waweze kupunguza mapori hayo.

Naye Meneja wa Shule hiyo Mary Clara Daniel alisema kuwa kuwa Shule hiyo ilianzishwa mwaka 2016  ambapo kwa Sasa ina wanafunzi 132 huku wanafunzi waliohitimu ni 23 ambapo wasichana  12 na wavulana 11.

Akizungumzia kwa upande wa taaluma shuleni hapo alisema kuwa wako vizuri sana  kitakwimu ni ya 145 kitaifa,  pia imeshika nafasi ya sita kimkoa na katika mtihani wa darasa la nne wameshika nafasi ya nne katika ngazi ya Wilaya .

Meneja huyo wa Shule alisema  kuwa wanaunga mkono jitihada za  serikali  katika kufuta ujinga huku wanafunzi wa shule hiyo wakitoka katika maeneo ya Mikese na Mdaula huku mipango ikipangwa ya kufuata watoto kutoka Lugoba na Morogoro.