MAKAMU WA RAIS KUMUWAKILISHA RAIS SAMIA JUKWAA LA NANE LA WAKUU WA NCHI NA SERIKALI DUNIANI FALME ZA KIARABU (UAE)

Makamu wa Rais wa Jamhuri ya Muungano wa Tanzania Mheshimiwa Dkt. Philip Mpango leo tarehe 27 Machi 2022 anatarajia kuondoka nchini kuelekea Dubai, Umoja wa Falme za Kiarabu ambapo atamuwakilisha Rais wa Jamhuri ya Muungano wa Tanzania Mheshimiwa Samia Suluhu Hassan katika Jukwaa la 8 la Wakuu wa Nchi na Serikali Duniani.

Pamoja na mambo mengine, Jukwaa hilo lina lengo la kuimarisha ushirikiano wa kimataifa na kubadilishana mbinu za kuimarisha utendaji wa serikali. Mashirika ya kimataifa pamoja na wataalamu wa sekta mbalimbali kutoka nchi zaidi ya 190 wanatarajia kushiriki Jukwaa hilo litakalofanyika tarehe 29 na 30 Machi 2022.


Franco Singaile

Msaidizi wa Makamu wa Rais - Habari