TABIA BWETE CHANZO CHA MAGONJWA YASIYOAMBIKIZA

Na WAF - Dodoma.

Imeelezwa kuwa tabia bwete (kutokushughulisha mwili kwa kufanya mazoezi) kuwa ni chanzo cha ongezeko kubwa la watu wenye magonjwa yasiyoambukiza nchini.

Dkt Ubuguyu amesema hayo katika Hospitali ya Benjamin Mkapa Jijini Dodoma alipokwenda kuzindua Mpango wa Kuzuia Madhara ya Kisukari kwenye Macho.

Amesema mabadiliko hasa kwenye maendeleo ya watu yanachagiza kukua kwa tabia bwete na kutoishughulisha miili kwa kufanya mazoezi, kutozingatia mlo kamili na kula kupita kiasi, matumizi ya vinywaji vyenye kilevi kupindukia pamoja na matumizi ya tumbaku.

Dkt. Ubuguyu amesema kuwa tafuti zinaonyesha kuwa asilimia 29 ya Watanzania ni wanene kupita kiasi kutokana na kula kupita kiasi hasa kwa  watu wazima.

Tanzania inakadiriwa kuwa takriban asilimia 5.7 ya watu wenye umri wa miaka 20 hadi 79 wana ugonjwa wa kisukari. Tafiti zilizofanyika hapa nchini zimeonyesha kuwa asilimia 35 ya watu wenye kisukari wana madhara ya ugonjwa kwenye macho na asilimia 1 ya watu hao hupata ulemavu wa kutokuona au uoni hafifu.

Daktari bingwa mshauri wa macho kutoka Hospitali ya Raigmore Dkt. Rose Brennan akionesha kamera ya kupima retina ya macho mbele ya Mkurugenzi wa huduma za kinga Dkt. Omary Ubuguyu na Mkurugenzi mtendaji wa Hospitali ya Benjamin Mkapa Dkt. Alphonce Chandika.