KAPTENI BEKA AONGEZA MIWILI YANGA SC

Na Bakari Madjeshi, Michuzi TV

Nahodha wa Young Africans SC, Bakari Nondo Mwamnyeto rasmi ameongeza mkataba wa miaka miwili kuendelea kuitumikia Klabu ya Soka ya Yanga baada ya mkataba wake wa awali kuisha katika Klabu hiyo.

Mwamnyeto ameongeza miaka miwili kuwatumikia Wananchi baada ya kuonyesha kiwango bora katika Kikosi hicho licha kuwepo kwa tetesi kuwa Beki huyo anawaniwa na Watani wa Jadi, Simba SC katika msimu ujao wa mashindano.

Yanga SC wamethibitisha hilo kumuongeza mkataba Mwamnyeto baada ya kuchapisha picha zikionyesha Nahodha huyo akisaini na kuthibitisha kubaki klabuni hapo kwa misimu mingine miwili ya mashindano.


“Wananchi wenyewe wameshasema, mimi nani nikatae? bado nipo hapa kuongoza Jahazi la Wananchi, naitwa Bakari Mwamnyeto Nondo, bado nipo Yanga SC miaka mingine miwili”, amesikika Mwamnyeto.