CHUO CHA AFYA KOLANDOTO CHASHIRIKI MAONESHO YA ELIMU YA UFUNDI NA MAFUNZO YA UFUNDI STADI JIJINI DODOMA

Na Mwandishi Wetu,Michuzi Tv

Mkuu wa Idara ya Famasia Chuo cha Sayansi za Afya Kolandoto Shinyanga ,Paschal Marusu  ametoa wito kwa vijana kuchangamkia fursa za kujiunga na masomo yanayotolewa katika chuo hicho ili kuongeza ujuzi na kupanua wigo wa kujiajiri ama kuajiria katika sekta za afya.

Hayo ameyasema wakati wakati Maonyesho ya Elimu ya Sayansi na Mafunzo ya Ufundi Stadi TVET,yaliyomalizika leo Juni 13,2022 katika uwanja wa Jamhuri jijini Dodoma

Bw.Marusu amesema jkuwa katika chuo hicho kinatoa mafunzo mbalimbali ya ufundi pamoja na afya ikiwemo,utabibu,uuguzi na famasia na maabara hivyo kuna fursa kubwa kwa vijana kujiunga na chuo hicho katika kuongeza wigo wa taaluma sekta ya afya.

“Katika chuo chetu kuna program mbalimbali ikiwemo program ya utabibu,program ya uuguzi ambayo ni ya muda mrefu ina Zaidi ya miaka 60,pia tuna program  ya maabara ya binadamu  na katika chuo chetu tumekuwa tukifundisha kwa vitendo Zaidi na hapa tumeleta baadhi ya dawa ambazo hutengenezwa “amesema Bw.Marusu 

Aidha,amesema katika program ya uuguzi wamekuwa  na vifaa madhubuti ikiwemo baadhi ya vifaa vinavyoonesha namna ya kumsaidia mama anayejifungua.

Mbali na mafunzo ya afya yanayotolewa katika chuo hicho pia kina masomo yanayohusiana na mafunzo ya ufundi stadi (VETA).

Kwa upande wake Mwalimu Idara ya Uuguzi Chuo cha Sayansi za Afya Kolandoto Shinyanga,Peris Nderitu,amesema kuwa huduma zinazotolewa katika chuo hicho zimekuwa na manufaa makubwa kwa jamii ikiwemo namna ya kumzalisha mama mjamzito.

“Tunatoa mafunzo kwa vitendo kwa v mfano namna ya kumhudumia mama anapojifungua,pia dawa gani atumie na dawa zipi asitumie nahii yote ni katika kuhakikisha viwango vya vifo kwa akina mama na watoto vinapungua”amesema Mwl Nderitu

Mkuu wa Idara ya Famasia Chuo cha Sayansi za Afya Kolandoto Shinyanga ,Paschal Marusu,akitoa maelezo kwa wananchi kuhusu Kozi zinazotolewa na chuo hicho waliotembelea Banda la Chuo hicho wakati Maonyesho ya Elimu ya Sayansi na Mafunzo ya Ufundi Stadi TVET,yaliyomalizika leo Juni 13,2022 katika uwanja wa Jamhuri jijini Dodoma

Mwanafunzi Kozi ya Famasi mwaka wa pili Chuo cha Sayansi za Afya Kolandoto Rahma Khamis,akiwaonyesha dawa wananchi zinazotengezewa katika chuo hicho waliotembelea Banda la Chuo hicho wakati Maonyesho ya Elimu ya Sayansi na Mafunzo ya Ufundi Stadi TVET,yaliyomalizika leo Juni 13,2022 katika uwanja wa Jamhuri jijini Dodoma.

Msanii wa muziki Bongo, Banana Zorro,akisaini kitabu cha wageni mara baada ya kutembelea Banda la Chuo cha Sayansi za Afya Kolandoto Shinyanga wakati Maonyesho ya Elimu ya Sayansi na Mafunzo ya Ufundi Stadi TVET,yaliyomalizika leo Juni 13,2022 katika uwanja wa Jamhuri jijini Dodoma.