KUWEPO KWA WATUMISHI WA KUTOSHA NI KUSAIDIA KULETA MAGEUZI KWENYE SEKTA YA ELIMU - OTHMAN

Makamu wa Kwanza wa Rais wa Zanzibar Mhe. Othman Masoud Othman , amesema kuwepo idadi kubwa ya walimu miongoni mwa watumishi wa umma Zanzibar itumike kuwa mtaji  muhimu wa kusaidia kuleta mageuzi makubwa yenye tija katika sekta ya elimu  na kuchangia kasi ya maendeleo  ya taifa.

Mhe. Othman ameyasema hayo  huko Skuli ya Sekondari ya Fiderl- castro  Vitongoji Mkoa wa Kusini Pemba alipozungumza na Maafisa wa Elimu na  walimu wakuu wa Skuli mbali mbali za Kisiwani Pemba akiwa katika mfululizo wa ziara yake ya kutembelea sekta ya elimu nchini.

Amesema  walimu ni wadau muhimu  wanaolazimika kushiriki kikamilifu katika azma ya serikali ya kuleta mageuzi makubwa katika sekta ya elimu yanayoahitajika nchini yatakayosaidia Zanzibar kupigia hatua  na kwenda sambamba   na maendeleo ya elimu yanavyokwenda duniani.

Amesema kwamba mageuzi yanayohitajika ni yale yatakayoisaidia Zanzibar kuishi katika   ulimwengu na maendeleo ya elimu duniani  kuepuka kuwa wasindikizaji wa maendeleo yanavyokwenda katika nchi mbali mbali duniani.

Aidha Mhe. Othmana amasema kwamba mageuzi  makubwa yatakayofanywa itaifanya Zanzibar kurejesha heshima kubwa ya elimu katika ramani ya dunia  na kuweza kushindana kimaendeleo nan chi zilizoweza kupiga hatua kubwa kama zile Singapore na kwengineko duniani.

Amesema kwamba kwa kuzingatia  haja ya maendeleo ni lazima Zanzibar kama zilivyo nchi nyengine duniani kufanya uwekezaji na mageuzi makubwa stahiki katika elimu kwenye maeno mbali kama zilivyofanya nchi nyengine zilizoweza kupiga hatua.

Aidha amesema kwamba katika jitihada za kuleta mageuzi kwenye sekta hiyo ni lazima pia kuwepo ushiriki mpana wa sekta binafsi ili kuchangia kasi ya maendeleo hasa kwa kuzingatia kwamba changamoto zilizopo katika sekta hiyo ikilinganishwa na uchumi wa Zanzibar ni mzigo mkubwa kwa serikali unaohitaji ushiriki wa kila mdau kukabiliana nao.

Amewataka walimu kuendelea kufanya kazi kwa ari na kujitolera huku serikali ikifanya mabadiliko makubwa ya maslahi ya walimu ikiwemo mishahara yao inayotarajiwa kulipwa mwezi Julai mwaka huu.

Naye Waziri wa Elimu na mafunzo ya Amali Zanzibar Mhe. Lela Mhammed Mussa amesema kwamba serikali inaendelea na utekelezaji wa azma yake ya kubporesha maslahi ya walimu kuanzia julai mwaka huu na kuwataka walimu pamoja na mambo mengine kuwa na juhudi na kufundisha nidhamu kwa vijana mbali mbali nchini.

Mhe. Lelala amsema  kwamba serikali kwa sasa pia inatoa kipaumbele cha ushirikishwaji wa wa sekta binafasi katika jitihada za kuimarisha sekta ya elimu nchini katika hatua mbali mbali.

Kwa upande wao walimu mbali mbali walieleza kwamba Sekta hiyo imekabiliwa na changamoto mbali mbali yakiwemo maslahi duni, uhaba wa vitendea kazi pamoja na upungufu  mkubwa wa walimu hasa katika masmo ya sayansi jambo linalopunguza ufanisi na maendeleo katika sekta hiyo.

Kwa upande wao wanafunzi wa Chuo Kikuu cha Taifa Zanzibar (SUZA) tawi la Bjenjamin Mkapa Pemba wameulalamikia uongozi wa chuo hicho kwamba wamekuwa wakikosa huduma ya umeme mara kadha kwa Zaidi ya wiki moja baada ya kumalizika umeme ulionunuliwa jambo ambalo linadhoofisha juhudi zao za kutafuta elimu.

Katika ziara hiyo Mhe. Makamu leo ametembelea Chuo cha Kiislamu Micheweni, Skuli ya binafasi ya Ambasha iliyopo Shengejuu, Chuo Kikuu cha taifa SUZA tawi la Benjamin Mkapa Mchangamdogo na baadae kuzungumza na maafisa wa elimu pamoja na walimu wakuu wa skuli za mikoa miwili ya Pemba huko Skuli ya Fedel Castro Vitongoji.

Makamu wa Kwanza wa rais wa Zanzibar Mhe. Othman masoud Othman akielezea jambo kwa viongozi mbalimbali wa wizara ya Elimu na wa Mkoa na wilaya ya Micheweni wakati alipotembelea chumba cha maabara ya Phizikia huko chuo cha Kiislamu Micheweni. Kushoto kwa makamu ni waziri wa Elimu na Mafunzo ya Amali Mhe. Leila Mohammed Mussa akifuatiwa na Mkuu wa Chuo hicho Mwalimu Mkasha Sharif Hamad na kulia kwa makamu ni Mkuu wa Mkoa wa Kaskazini Pemba Bi Salama Mbarouk Khatib ( Picha na ofisi ya Makamu wa kwanza wa rais Kitengo cha habari.

Makamu wa Kwanza wa rais wa Zanzibar Mhe. Othman masoud Othman akiongozana na viongozi  mbalimbali wa wizara ya elimu na wa Mkoa Kaskani na wilaya ya Micheweni Pemba wakati alipotembelea Skuli Binafsi ya Sekondari na Msingi Ambasha iliyopo Shengejuu wilaya ya Wete Kisiwani Pemba. Kushoto kwa makamu ni waziri wa Elimu na Mafunzo ya Amali Mhe. Leila Mohammed Mussa na kulia  ni Afisa Mdhamini wa wizara ya Elimu na Mafunzo ya Amali Pemba Ndugu Moammed Nassor. ( Picha na ofisi ya Makamu wa kwanza wa rais Kitengo cha habari.

 

Makamu wa Kwanza wa rais wa Zanzibar Mhe. Othman masoud Othman akiongozana na viongozi  mbali mbali wa wizara ya elimu na wa Mkoa Kaskazini Pemba wakati alipotembelea Skuli Binafsi ya Sekondari na Msingi Ambasha iliyopo Shengejuu wilaya ya Wete Kisiwani Pemba. Kulia kwa makamu ni waziri wa Elimu na Mafunzo ya Amali Mhe. Leila Mohammed Mussa na nyuma Mhe, Makamu ni Mkuu wa Mkoa wa Kaskazini Pemba Bi Salama Mbarouk Khatib. ( Picha na ofisi ya Makamu wa kwanza wa rais Kitengo cha habari.