EWURA YAKUTANA NA JUKWAA LA WAHARIRI TANZANIA (TEF)

 Mkurugenzi Mkuu wa EWURA Mhandisi Modestus Lumato (kulia aliyesimama) akizungumza katika kikao kazi na Wahariri wa vyombo vya habari kilichofanyika leo Julai 16,2022 Jijini Dar es Salaam kilicholenga kufahamiana na kubadilishana mawazo kwa pamoja ambapo pia Mkurugenz huyo amezungumzia matumizi ya Gesi kwenye magari na majumbani na kupanda kwa Bei ya mafuta. (kushoto aliyekaa) ni Mwenyekiti wa Jukwaa la wahariri Tanzania (TEF) Deodatus balile.

 

 Mwenyekiti wa Jukwaa la wahariri Tanzania (TEF) Deodatus balile (kushoto aliyekaa) akipiga makofi kupongeza hotuba ya Mkurugenzi Mkuu wa EWURA Mhandisi Modestus (kulia anaezungumza) wakati alipokuwa akizungumza katika Kikaokazi hicho.

MKURUGENZI Mkuu wa Ewura, Mhandisi Modestus Lumato amekutana na kufanya kikao kazi na wahariri wa vyombo mbali mbali kutoka Jukwaa la wahariri Tanzania (TEF) kujadiliana juu ya matumizi mbadala ya gesi kwenye magari na hata majumbani hususani Vijijini ambako wamekuwa wakitumia zaidi kuni na mkaaa.

Katika majadiliano hayo yaliyofanyika leo Julai 16, 2022 katika ukumbi wa Kisenga millennium Tower eneo la Kijitonyama Dar es Salaam pamoja na mambo mengine, Lumato amepokea ushauri mbalimbali kutoka kwa wahariri hao na kujibu maswali huku pia wamejadili kupanda kwa bei za mafuta.

Mwenyekiti wa Jukwaa la wahariri Tanzania (TEF) Deodatus balile  (kushoto aliyesimama) akizungumza kwenye mkutano huo.

Meneja Mawasiliano na Uhusiano wa EWURA Titus Kaguo akizungumza kwenye kikao hicho alipokuwa akiwakaririsha wahariri wa vyombo vya habari (hawamo pichani) kwenye kikao hicho kilichofanyika leo Julai 16,2022 Jijini Dar es Salaam.

Afisa Mwandamizi Huduma kwa wateja wa EWURA Kanda ya Mashariki Getrude Mbiling'i akifuatilia mkutano huo.