AZAM NAO…MBWEMBWE TU!

Na Bakari Madjeshi, Michuzi TV

Uongozi wa Azam FC upo nchini Afrika Kusini kushiriki mkutano mkubwa wa kujadili soka la Afrika (World Football Summit Africa (WFS) ambao unafanyika siku mbili (Novemba 16-17, 2022) huko Durban.

Afisa Mtendaji Mkuu, Abdulkarim Amin Popat sanjari na Mkurugenzi wa Ufundi wa timu hiyo, Abdihamid Moallin wapo nchini humo kwa ajili ya mkutano huo.

Viongozi hao wa timu hiyo wamehudhuria mkutano huo huku nyumbani wakiongoza Ligi Kuu Soka Tanzania Bara wakiwa na alama zao 26 katika michezo 12.

Aidha, Afisa Mtendaji Mkuu wa Bodi ya Ligi Kuu Tanzania Bara (TPLB), Almas Kasongo ni miongoni wa washiriki wa mkutano huo mkubwa barani Afrika.

Kutoka kulia ni Mkurugenzi wa Ufundi wa Azam FC, Abdihamid Moallin, Mtendaji Mkuu Abdulkarim Amin Popat, Afisa Mtendaji Mkuu wa Bodi ya Ligi Kuu Tanzania Bara (TPLB), Almas Kasongo na moja ya Mwakilishi wa Klabu ya Mamelodi Sundowns ya Afrika Kusini.