BASATA YAWAPIGIA KELELE MAKAMPUNI YANAYOWATUMIA WASANII KWENYE KAZI ZAO BILA VIBALI

*wanaoleta wasanii wa Kimataifa Tanzania kuvaana na Basata kisheria*

     Na.Khadija Seif,Michuzi TV 

BARAZA la Sanaa Taifa la wakumbusha Taasisi na Makampuni mbalimbali kukata vibali vya kutumia wasanii kwenye Matamasha mbalimbali yanayofanyika nje na ndani ya nchi ili kuepuka faini.

Akizungumza na Wanahabari Novemba 17,2022 Ofisi za Basata Jijini Dar es salaam  Katibu Mtendaji  Kedmon Mapana amesema Baraza  limeaweka kanuni na Sheria ili Sanaa ya Tanzania ipewe thamani na isifanyike kiholela bila kupata kibali kutoka kwa walezi wa Sanaa hiyo ambao ni Basata.

"Imezoeleka kuwa wasanii wanaingia hapa nchini kufanya kazi za sanaa bila kufata sheria na kanuni zilizowekwa  na kupelekea changamoto mbalimbali kujitokeza wengine kutotimiza makubaliano ya kufanyika kazi iliyomleta na tumekua tukiletewa malalamiko mbalimbali ambapo awali sisi kama Basata hatushirikishwi kwa chochote."

Hata hivyo Mapana ameweka wazi kuwa Basata imeamua kuwataka Meneja na mapromota wa wasanii kufika Basata kujisajiri ili kufanya kazi hiyo kihalali huku akisisitiza zaidi kwa Kampuni na Taasisi watakaofanya Matamasha bila vibali watatozwa faini au kufungiwa kabisa .

"Kibali kwa Matamasha ya wazi bila kutozwa kiingilio laki 3 na ukikutwa huna kibali utapigwa faini ya shilingi  milioni 2, kwa Matamasha ambayo yakutozwa kiingilio anatakiwa kulipa million 2 na akikutwa hajakamilisha  vibali atapigwa faini ya milioni 3 hivyo ili kuepuka faini hiyo wafike basata kupata vibali vya kuwatumia wasanii kwenye kazi zao."

Pia amempomgeza Msanii wa Bongofleva Nasib Abdul maarufu kama "Diamond platinum" kwa kufika Baraza la Sanaa Taifa (BASATA) pamoja na aliyekuwa Msanii wa lebo yake "Rayvan" Kumaliza tofauti zao na sasa wanaendelea kufanya kazi kwa amani.

Katibu Mtendaji wa Baraza la Sanaa Taifa (BASATA) Dkt.Kedmon Mapana akizungumza na Wanahabari Novemba 17,2022 Ofisi za Basata Jijini Dar es salaam nakutoa tamko rasmi kwa taasisi na Makampuni kukata vibali  pale wanapotumia wasanii kwenye Matamasha yao nje na ndani ya nchi