COASCO kukagua vyama vya Ushirika 5000 kwa mwaka wa Fedha

Na Chalila Kibuda, Michuzi TV

Kaimu Mkurugenzi wa Ukaguzi wa Shirika la Ukaguzi wa Vyama vya Ushirika (COASCO) CPA Golden Kajaba amesema katika mwaka wa fedha wa 2022/2023 Shirika lilikuwa na lengo la kukagua vyama 5000 lakini tulikagua vyama 3878 sawa na asilimia 77.54 ya leng.

Kaimu Mkurugenzi huyo alisema pia kwa mwaka huu wa fedha 2023/2024 Shirika linatarajia kukagua vyama 5000 pia na alisisitiza kuwa kila chama cha Ushirka kiweke kumbukumbu zake sawa ili kuweza kurahisha ukaguzi n ahata rejea pindi zinapohitajika.

Pia amewakaribisha Wananchi na Wadau wote kutembelea katika banda la COASCO lililopo Kijiji cha Ushirika hapa kwenye Uwanja wa Maonesho ya Nanenane 2023 jijini Mbeya kwa ajili kujifunza namna ya uandishi wa vitabu katika vyama vya Ushirika na Ushauri wa kodi zinazohusiana na Vyama vya hivyo.

COASCO ni Shirika la Ukaguzi na Usimamizi wa Vyama Vya Ushirika lenye majukumu ya kufanya kaguzi za mahesabu, kusimamia na kushauri vyama vya Ushirika.

Kaimu Mkurugenzi wa Ukaguzi wa Shirika la Ukaguzi wa Vyama vya Ushirika (COASCO) CPA Golden Kajaba akitoa huduma katika banda la COASCO kwenye maonesho ya Kimataifa ya Kilimo Nane Nane yanayoaendelea katika viwanja vya John Mwakangale , jijini Mbeya .

Picha ya pamoja ya wafanyakazi wa COASCO kwenye maonesho ya Kimataifa ya kilimo Nane Nane , Jijini Mbeya.