KOKA AIHIMIZA JUMUIYA YA WAZAZI KUBUNI MIRADI YA KIUCHUMI ,AAHIDI KUIPATIA USHIRIKIANO

Na  Mwamvua Mwinyi,Kibaha

Mbunge wa jimbo la Kibaha Mjini,Silvestry Koka amehimiza Jumuiya ya Wazazi Chama Cha Mapinduzi CCM wilaya ya Kibaha Mjini, kubuni miradi ambayo itaona inafaa ili kujiimarisha kiuchumi ambapo yuko tayari kuhakikisha inatekelezeka kwa gharama yoyote.

Aidha ameihakikishia Jumuiya hiyo ushirikiano katika kutekeleza majukumu ya Jumuiya na kukijenga Chama. 

Koka alieleza, hayo wakati wa kufunga semina ya mafunzo kwa wajumbe wa Baraza la Wazazi Wilaya yaliyofanyika katika ukumbi wa halmashauri ya Mji Kibaha.

Hata hivyo ,aliwapongeza viongozi wa Jumuiya ya Wazazi kwa namna wanavyo wajibika kwa nyakati tofauti katika ujenzi wa chama.

Kwa kuthibitisha ushirikiano huo Koka alisema tayari ipo fedha kwajili ya hatua za awali kuelekea kutekeleza miradi mbalimbali ambayo Jumuiya ya wazazi imebuni na ile ambayo wataendelea kuibua kwa masilahi mapana ya Jumuiya hiyo.