NA WILLIUM PAUL, MOSHI
KATA ya Mabogini imepokea kiasi cha shilingi bilioni 1.8 kwa ajili ya ujenzi wa Hospitali ya Wilaya.
Hospitali hii ni ya wakazi wa Halmashauri ya Moshi ambayo imejengwa kwa lengo la kuboresha huduma za afya na kuzisogeza karibu na wananchi.
Hospitali hiyo ambayo bado haijakamilika, imeshaanza kutoa huduma ambapo Majengo yaliyokamilika ni jengo la wagonjwa wa nje (OPD), Maabara, Jengo la Mama na Mtoto, Jengo la Kufulia, Stoo ya Madawa na Jengo la Utawala.
Hospitali hii itakuwa ni msaada mkubwa kwa wananchi wa maeneo ya tambarare inayobeba Kata za Mabogini, Arusha Chini, Maeneo ya Tambarare ya Kata za Oldmoshi Magharibi, na Kimochi, Kahe Magharibi na Kahe Mashariki.
Hospitali hii imepatikana kwa juhudi za Mbunge wa Jimbo la Moshi Vijijini Profesa Patrick Ndakidemi na Diwani wa Kata ya Mabogini Dkt. Bibiana Massawe.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...