HABIBA NA ALPHA WANG’ARA KATIKA KAMPENI YA KFC NA PIZZA HUT, WAZAWADIWA BIDHAA ZA HISENSE ZA SH. MILIONI 12.5 KILA MMOJA

KATIKA tukio la kusisimua lililofanyika kwenye Duka Kuu la Hisense Mlimani City, wateja wawili wa kawaida wameandika historia mpya baada ya kujishindia bidhaa za Hisense za Shilingi milioni 12.5 kila mmoja, kupitia kampeni iliyodumu kuanzia mwanzoni mwa Juni, 2025 ya kusherehekea ushirikiano kati ya Hisense, KFC na Pizza Hut.

Habiba, ambaye ni mteja wa KFC, na Alpha, kutoka kwa upande wa Pizza Hut, walitangazwa washindi wakuu wa kampeni hiyo iliyolenga kuwazawadia wateja waliokuwa wakifanya manunuzi ya vyakula kwenye maduka ya chapa hizo mbili maarufu. Kilichohitajika ni jambo rahisi – kununua mlo, na kwa bahati yao, kila mlo ulikuwa hatua moja karibu na ushindi mkubwa.

Katika mahojiano baada ya kupokea zawadi, Habiba hakuficha furaha yake:

"Sikutarajia kabisa! Nilikwenda tu kununua chakula kama kawaida. Leo hii nimepata mamilioni kwa sababu ya uaminifu wangu kwa KFC. Namshukuru Mungu na kampuni kwa kutambua wateja kama sisi."

Alpha naye alionyesha mshangao na shukrani tele:

"Ni hisia ambazo siwezi kuelezea. Kila siku huwa nafurahia huduma ya Pizza Hut, lakini sikuamini kwamba uaminifu wangu unaweza kuleta mabadiliko makubwa kiasi hiki kwenye maisha yangu. Zawadi hii inabadilisha maisha yangu!"

Meneja Masoko wa KFC, Lyse Mosha, alieleza kuwa kampeni hiyo ilikuwa ni njia ya kuthamini mchango na uaminifu wa wateja kama Habiba:

"Tunajivunia kuwa sehemu ya maisha ya wateja wetu. Tunajua kuwa kila mlo wanaouchagua ni ishara ya kuamini huduma zetu. Tunataka kuendelea kuwa sehemu ya furaha yao, si tu kwa chakula kizuri bali pia kwa kuwazawadia kwa upendo."

Kwa upande wa Hisense, kupitia mwakilishi wake Kalbe Husein, alisisitiza kuwa ushirikiano huu sio wa kibiashara tu, bali una malengo ya kugusa maisha ya Watanzania:

"Tunaamini kuwa teknolojia, chakula, na burudani vinaweza kuleta mabadiliko. Tunataka kushiriki katika hadithi za mafanikio ya watu kama Habiba na Alpha."

Uzinduzi huu umeashiria mwanzo wa kampeni nyingi zaidi zinazoangazia wateja, huku wakiendelea kupata fursa ya kipekee ya kunufaika kwa namna mbalimbali – kutoka kwenye mlo wa kawaida hadi zawadi za mamilioni.

Habiba na Alpha sasa wamekuwa alama ya matumaini, kwamba hata hatua ndogo kama kununua chakula inaweza kuwa mwanzo wa ushindi mkubwa.