Dar es Salaam, Novemba 20, 2024 — Mkuu wa Chuo Kikuu cha Dar es Salaam (UDSM), Jakaya Mrisho Kikwete, amesema ongezeko la wahitimu wanawake katika elimu ya juu ni ishara muhimu ya hatua ambayo Tanzania inapiga katika kufikia usawa wa kijinsia.
Amesema hayo leo wakati wa duru ya tatu ya mahafali ya 55 ya UDSM, yaliyowatunuku wahitimu 2,452 wa shahada na astashahada. Kati ya hao:
Wanawake ni 1,386 (56.6%)
Wanaume ni 1,066
Takwimu hizo zinaendeleza mwelekeo wa duru ya pili ya mahafali iliyofanyika Novemba 18, 2025, ambapo wahitimu walikuwa 2,742, wakiwemo:
Wanawake 1,510 (55.4%)
Wanaume 1,232
Kikwete, ambaye pia ni Rais mstaafu wa awamu ya nne, alisema awali idadi kubwa ya wanafunzi wa kike ilikuwa ikionekana zaidi kwenye elimu ya msingi na sekondari, lakini sasa ongezeko hilo limepanuka hadi ngazi ya vyuo vikuu.
“Ni jambo la kutia moyo kuona wanawake wakiongoza katika elimu ya juu. Haya ni mafanikio makubwa kwa taifa letu,” alisema.
Kwa mujibu wa wadau wa elimu, ongezeko la wahitimu wanawake linatarajiwa kuongeza ushiriki wao katika nafasi za uongozi, taaluma za kitaalamu na sekta za kiuchumi ambazo kwa muda mrefu zimetawaliwa na wanaume.
Mahafali ya mwaka huu yametajwa kuwa miongoni mwa yenye uwiano mkubwa zaidi wa kijinsia kuwahi kurekodiwa katika historia ya UDSM.
.jpg)
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...