NMB Yatoa Sh Milioni 200 Njombe, Mtaka Aitaka Sekta ya Fedha Kuwekeza Kwenye Huduma za Dialysis

Mkuu wa Mkoa wa Njombe, Anthony Mtaka, ameziomba taasisi za kifedha kusaidia upatikanaji wa mashine za kusafisha damu — dialysis — katika Hospitali ya Rufaa ya Mkoa wa Njombe ili kupunguza gharama kwa wagonjwa wanaofuata huduma hiyo Mbeya.

Mtaka alitoa ombi hilo Aprili 28, 2026, wakati akipokea vifaa vya shule na hospitali vilivyotolewa na Benki ya NMB. Alisema taasisi za ndani zina uwezo wa kugusa maisha ya wananchi moja kwa moja kupitia uwekezaji kwenye afya na elimu.

Meneja wa NMB Kanda ya Nyanda za Juu, Wagofya Mfalamagoha, alisema benki hiyo itaendelea kushirikiana na Serikali kutatua changamoto za kijamii. NMB imetoa Sh milioni 80 kusaidia maandalizi ya Mei Mosi kitaifa Njombe na Sh milioni 120 kwa vifaa vya shule na hospitali.

Mganga Mkuu wa Mkoa, Dk. Juma Mfanga, alisema ukosefu wa mashine za dialysis ni changamoto kubwa kwa wagonjwa wa figo kutoka Njombe na mikoa jirani. Ofisa Elimu Mkoa, Nelasi Mulungu, aliishukuru NMB kwa madawati 400, pamoja na viti na meza kwa shule za sekondari.

 Mkuu wa mkoa wa Njombe Anthony Mtaka ( kushuto) akipokea mfano wa hundi kutoka Meneja wa NMB Kanda ya Nyanda za Juu  Wagofya Mfalamagoha (kulia) wakati ya hafla fupi ya makabidhiano mjini Njombe. Benki ya NMB imetoa shilingi 80mln kama ushiriki wake wa Mei Mosi huku ikipelekea zaidi ya shilingi 120 mln kwa shule na vituo vya afya mkoa huo wa Njombe kupitia sera yake ya uwajibikaji kwa jamii (CSI).